Тазалық сенбіліктері

Ақтөбе қаласында үстіміз­дегі жылғы алғашқы сани­тар­лық тазалық сенбілігі ұйым­дас­ты­рылды. Сол күні онмыңдаған ақтөбелік көктемгі жалпықалалық сенбілікке шықты. Облыс орта­лығы мен қалаға қарасты бес ауыл­­дық округтің тазалығын қам­­­­тамасыз етуге мемлекеттік кә­сіп­­о­рындардың қызметкерлері мен жоғары және орта арнайы оқу орындарының студенттері қатысты. Олар өз мекемелері мен оқу орындарының айналасын және қала бойынша бекітілген аумақтарды тазартты. Сенбілік­тер барысында облыс орталығы мен барлық аудан­дардағы елді ме­­кендер қыс бойы жиналған қоқыс­­тар мен тұрмыстық қатты қалдықтар шығарылып, өзендер мен су қоймалары жағалары қалып­қа келтіріледі. Қаланың сани­­тар­лық тазалығын қамтамасыз ету жұ­мыстары 1 маусымға дейін жал­­ғасады. Алда болатын сен­бі­ліктерге студенттер және мем­ле­­кеттік қызметкерлермен бір­ге барлық меншік нысанындағы кәсіпорындар мен ұйымдардың өкілдері қатысады. Сатыбалды СӘУІРБАЙ, «Егемен Қазақстан». Ақтөбе облысы.