«Қазақстан және Назарбаев: өзгеріс логикасы» кітабы грузин тілінде шықты

АСТАНА. 21 наурыз. «Қазақстан және Назарбаев: өзгеріс логикасы» атты кітап грузин тілінде жарық көрді. Бұл туралы 24.kz-ке сілтеме жасаған egemen.kz тілшісі хабарлады. Грузияның белгілі тарихшыларын, саясаттанушыларын, экономистері мен әлеуметтанушыларын қазіргі Қазақстанның өзгеріс логикасы туралы кітап қызықтырады. Ермұхамет Ертісбаевтың бұл еңбегінде еліміздің әлеуметтік-экономикалық ахуалындағы нақты мәліметтер жазылған. Ол бұл кітабында әсіресе, Елбасының батыл бастамаларын негізге алған. «Грузин тіліне аударылған бұл кітап жергілікті жастардың Қазақстан туралы дүниетанымын кеңейтуге арналды. Осыған байланысты олар Елбасының батыл бастамалары туралы көп мәлімет алады. Кітаптың шығуына негізінен осы ойым түрткі болды», – дейді Грузиядағы Қазақстан Республикасының Төтенше және өкілет елшісі Ермұхамет Ертісбаев. Тұңғыш Президентіміздің саяси шешімдер қабылдағаны туралы кітапта жазылған әрі әлем ғалымдарын қызықтырған қазіргі Қазақстанның қалыптасуы туралы деректер бар. Бұл кітап аз уақыттың ішінде бестселлер мәртебесіне лайық деп танылды. Орыс тіліндегі тиражы 100 мың данаға жетіп, Ресей мен Германияға сатылды. Аян Әбдуәли. Дерек, сурет: 24.kz.