АСТАНА. 21 наурыз. Австриядағы сайлау құқығына ие қазақстандықтардың 81 пайызы дауыс берді. Бұл туралы 24.kz-ке сілтеме жасаған egemen.kz тілшісі хабарлады.
Олардың басым бөлігі жоғары оқу орнында білім алып жатқан студенттер мен түрлі салада Венадағы халықаралық компанияларда қызмет атқаратын отандастарымыз. Дауыс беру аяқталғаннан кейін учаскелік сайлау комиссиясының мүшелері бюллетеньдерді санауды ереже бойынша жүргізді.
«Венада №190 сайлау учаскесіндегі сайлау аяқталды. Жалпы қазақстандықтардың 81 пайызы дауыс берді. Дауыс беру жоспарға сай өтті. Ешқандай заң бұзушылық болған жоқ. Қорытындысы бойынша жетекші орында «Нұр Отан» партиясы», – деді Австриядағы учаскелік сайлау комиссиясының мүшесі Алмас Жоламанов.
Аян Әбдуәли.
Дерек: 24.kz.
Сурет: nur.kz.
