Сенімге селкеу түсірмейміз

Кеше Қазақстан Ком­мунистік халық партия­сы Орталық комитетінің кеңсесінде Республикалық сайлауалды штаб өкілдері кезектен тыс Парламент Мәжілісі мен мәслихаттар сайлауларының қорытындысы бойынша баспасөз мәс­ли­хатын өткізді. Жиын барысында штаб жетекшісі Айқын Қоңыров Қазақстан Коммунистік ха­лық партиясы 20 наурызда өткен сайлау нәтижелерін толық мойындайтынын және оны барлық сайлау науқанының заңды қо­ры­тындысы деп санайтынын мәлімдеді. – «Біз Орталық сайлау комиссиясы жария­лаған дауыс берудің алдын ала қо­­рытындысы еліміздегі саяси күштердің шынайы болмысына сай деп есептейміз. Өткен сайлау еркін және ашық болды. Сайлау нау­қаны кезіндегі сайлауалды күрес әділ жүргізілді. Біздің бай­қаушыларымыз ай­тарлықтай заңбұзушылықтарды анық­таған жоқ. Сайлауалды доданы ашық әрі әділ өткізуге барлық жағдай жасалды», – деді Айқын Қоңыров. Парламент Мәжілісінің депутаттығынан үміткер Вла­дислав Косарев партияны қол­даған барша қазақстандықтарға алғыс білдіріп, сенімдеріне селкеу түсірмеуге тыры­сатындықтарын атап өтті. Қазақстан Коммунистік халық партиясы қазақстандықтардың жаңа сенім мандатына ие болу арқылы осы жолы да өзінің саяси алаңдағы маңыздылығын дәлелдеді. Біз коммунистерге дауыс берген еліміздің барлық азаматтарына алғыс айтамыз. Біз өзіміздің қарсыластарымызды жеңістерімен құттықтаймыз және егеменді Қазақстанның игілігі үшін бірлесе отырып Парламентте жемісті еңбек етуге сенім біл­діреміз. Кезек­тен тыс сайлау заңнамалық жұ­мысты жаңа сапаға көтеріп, Қа­зақстанды ауқымды түрде жаңғыртуға бағытталған реформаларды іске асыруға тиісті үлес қосуға мүмкіндік береді», – деді Владислав Косарев. Рауан ҚАЙДАР, «Егемен Қазақстан».