22 Наурыз, 2016

Ақжолдықтар ел үмітін ақтауға әзір

240 рет
көрсетілді
1 мин
оқу үшін
«Ақ жол» демократиялық партиясыКеше Қазақстанның «Ақ жол» демократиялық пар­тия­сының сайлауалды штабында партия жетекшісі Азат Перуашев баспасөз мәслихатын өткізді. Бұқаралық ақпарат құралдары өкілдерінің алдында Азат Перуа­шев сайлауға белсене қатысып, өз таңдауларын жасаған барша қа­зақ­­стандықтарға ризашылығын білдірді. Сондай-ақ, ол әріп­тестеріне саяси додадағы жеңіс­терін ресми түрде баяндап, ел жүктеген сенімге селкеу түсірмеу басты міндет екенін айтты. – Халық біздің партияға сенім білдіріп, қолдау көрсетті. Енді біз ел сенімін ақтауымыз керек, – деп қысқа қайырды ол. Сонымен қатар, Азат Тұр­лыбек­­ұлы Елбасы, «Нұр Отан» пар­тия­сының Төрағасы Нұрсұлтан Назарбаев пен партия мүшелерін жаңа жеңісімен құттықтады. – Мен өз атымнан және ақ­жол­дықтардың атынан «Нұр Отан» партиясының жетекшілері мен мү­шелерін сайлаудағы жарқын же­­тістігімен шын жүректен құт­тықтаймын. Расымен, қазақ­стан­­дықтар жетекші партияға  үлкен сенім артып, қолдау көрсетті, – деді «Ақ жол» төрағасы. Баспасөз мәслихатында Азат Перуашев ақжолдықтарға қол­дау­шылар тарапынан артылған сенім мен міндетті орындау үшін толымды тірлік, болымды бірлік керектігін жеткізді. Шара соңында ол сайлау нау­қанының жоғары деңгейде өткенін, Орталық сайлау коммис­сиясының өз міндеттерін толық орындағанын баяндады. Сондай-ақ, «Ақ жол» партиясының 7,22 пайыз дауыс жи­нағаны осы уақытқа дейін ат­қарылған жұмыстың нәтижесі екенін мәлімдеді. Айта кетейік, бүгінде аталған партияның 175 мыңнан астам мүшесі бар. Ал бұған дейінгі Пар­ламент Мәжілісінің V ша­қырылымында партия атынан 8 адам депутаттық мандатқа ие болған еді. Талғат РАЙЫМБЕК, «Егемен Қазақстан».