Брюссельдегі метрода болған жарылыстан 10 адам қаза тапты

АСТАНА. 22 наурыз. Брюссельдің «Шуман» және «Маэльбек» метро стансаларында жарылыс болып, 10 адам қаза тапты. Бұл туралы 24.kz-ке сілтеме жасаған egemen.kz тілшісі хабарлады. Алдын ала мәлімет бойынша, лаңкестік әрекеттен 10 адам қаза тауып, бірнеше жолаушы жарақат алған. Полицейлер қаладағы тәртіпті күшейтіп, жарылыс ұйымдастырған топты анықтау үстінде. Айта кетейік, бүгін Брюссель аэропортында қос жарылыс болып, салдарынан 17 адам қаза тапқан болатын. Қазір елде лаңкестік әрекет қаупі ең жоғарғы – төртінші деңгейге жеткен. Еліміздің Сыртқы істер министрлігі қаза тапқандар мен зардап шеккендер арасында қазақстандықтардың бар-жоғын анықтауда. Талғат Райымбек. Дерек, сурет: 24.kz.