Зика безгегі Оңтүстік Кореяға жетті

АСТАНА. 22 наурыз. Зика безгегі Оңтүстік Кореяға да жетті. Бұл туралы 24.kz-ке сілтеме жасаған egemen.kz тілшісі хабарлады. Науқастарды бақылау жөніндегі орталықтың хабарлауынша, қауіпті індетке шалдыққан адам Бразилияға барған сапарында жұқтырып келген. Дәрігерлер оның жағдайы қауіпті екенін мәлімдеді. Қазір ол мамандардың қатаң бақылауында. «Оңтүстік Кореяда мұндай оқиға алғаш рет тіркеліп тұр. 43 жастағы азамат Бразилияда 22 күн іссапармен жүрген. Осы уақыт ішінде ауру таратқыш масалар шаққан», – дейді науқастарды бақылау жөніндегі орталықтың директоры Джунг Ки Сак. Аян Әбдуәли. Дерек, сурет: 24.kz.