23 Наурыз, 2016

Оралда Ұлыстың Ұлы күнінде жапалақтап қар жауды

608 рет
көрсетілді
1 мин
оқу үшін
23-03-2016-Oral 07ОРАЛ. 23 наурыз. Кеше, Ұлыстың Ұлы күнінде Батыс Қазақстан облысында табиғат тосын мінез танытты. Атап айтқанда, жапалақтап жауған қар кешке дейін толастамай, Ақжайық атырабын әп-сәтте ақ көрпеге орады да тастады. Бұл туралы egemen.kz тілшісі хабарлады. Наурызда жауған қарды жақсылыққа жорыған халық биыл жыл жақсы, астық мол болады деген болжам жасады. Сондай-ақ, аппақ қар, кіршіксіз ақ көңілдер адамдардың алдағы армандарына жол ашқандай әсерге бөледі. Наурыздың ақша қары жөнінде халқымыздың ауыз әдебиетінде де айтылатын әпсаналар аз емес. Соның бәрі тек тамсану мен және шексіз сүйіспеншілікпен айтылады. Міне, қараңыз! «Қыз Жібек» эпосында былай делінбеуші ме еді? Қыз Жібектің ақтығы, Наурыздың ақша қарындай. Ақ бетінің қызылы, Ақ тауықтың қанындай. Тамаша емес пе?! Сүрі қарды ерітіп, жердің бетінің жылуына жол ашатын бұл қарды құсқанаты дейді халқымыз. Наурыздың осы ақша қары алдағы ырыс көзіне, мереке бастауына айналсын! Темір Құсайын. Дерек: egemen.kz. Сурет: photopolygon.com.