Шымкентте бір азамат көлік қуамын деп адам соқты

ШЫМКЕНТ. 24 наурыз. Шымкенттегі Т.Рысқұлов көшесінің бойында жол-көлік полицейлері «Лада приора» көлігіне тоқтауға белгі береді. Осының соңы қайғылы оқиғаға барып соқты. Бұл туралы Оңтүстік Қазақстан облыстық ішкі істер департаменті баспасөз қызметінің мәлімдемесіне сілтеме жасаған egemen.kz тілшісі хабарлады. Оқиға былай болған. Полицейлерге бағынбаған «Лада» үлкен жылдамдықпен қашып келе жатып, Қазиев көшесінде бағанаға соғылады. Сол жердегі аялдамадан өткелі жатқан жолаушы қашып, көше ортасына шыққанда оны полиция қызметкерлері мінген көлік ұшырып жібереді. Шымкент қалалық жергілікті полиция қызметінің басшысы Данияр Мейірхан: «Қашып кеткен жүргізуші жұмыс орнында ұсталды. Ол құрылыс компаниясында жұмыс жасайды. Белгілі болғаны, ол Өзбекстан азаматы екен. Біраз жылдан бері Шымкентте тұрады. Айта кету керек, жергілікті полиция қызметкерлерінің әрекетіне толық тексеруден соң баға беріледі. Өйткені, Лада автокөлігінің жүргізушісі жол ережесін бұзып, бағынбай кетіп, ізін суытпақ болады»6 деді. Бақтияр Тайжан. Дерек, сурет: egemen.kz