31 Наурыз, 2016

Қайырымдылық

305 рет
көрсетілді
1 мин
оқу үшін
Сурет, ОстровскийОблыс көлемінде өтіп жатқан «Жаныңда жүр жақсы адам» қайырымдылық акциясына «Тарлан» көп салалы колледжінің студенттері де бейжай қарай алмады. Колледждің күндізгі оқу бөлімінің №201 топ студенттері физика пәнінің мұғалімі Жанат Қожанованың басшылығымен қайырымдылық акциясы аясында «Алға» балалар үйіне барды. Студенттер өздері жинаған қаражаттарына балалар үйінің өтініші бойынша 10 дана үтікті сыйға тартып, концерттік бағдарлама ұсынды. – Жақсылық жасау ізгі қасиет деп есептеймін. Тағдыр тәлкегімен балалар үйінде өсуге мәжбүр болған бүлдіршіндердің жабырқау көңілдеріне бір сәтке болса да қуаныш сыйлайықшы деген мақсатпен сонда бардық. Студенттер өздерінің шәкіртақысынан азын-аулақ сый-сияпат жасауды да естен шығармады. Арнайы концерттік бағдарламамызды тарту еттік. Балалар үйінің бүгінгі тыныс-тіршілігімен таныстық. Ал, студенттер үшін осындай игі істердің берері мол деп есептеймін, – дейді топ кураторы Жанат Қожанова. «Алға» балалар үйіне барған колледж студенттері қайырымдылық пен мейірімділіктің, адамгершіліктің өмірде қаншалықты қажет екендіктерін сезінді. Өмірде қателесу, шалыс басу сәби жүрегіне қаншалықты қиындық тудыратынына көз жеткізгендей болды. Сатыбалды СӘУІРБАЙ, «Егемен Қазақстан». Ақтөбе облысы.