«Алтай» арулары. Алғашқы асу

Өскеменде Қазақстанның волейболдан әйелдер командалары арасында XXIV ұлттық лига чемпионаты мәреге жетті. Оның қорытындысында жергілікті «Алтай» клубы чемпион атанды. Өскемендіктер финалдық кездесуде Талдықорғанның «Жетісуын» ұтты. Чемпион­дарға алтын медаль мен кубогты Шығыс Қазақстан об­лы­сының әкімі Даниал Ахметов табыс етті. Жеңім­паздар, сондай-ақ, облыс әкімдігінің 5 миллион тең­гелік сертификатын алды. «Алтайдың» үш ойыншысы волейбол федерациясының арнайы сыйлығына ие болды. Атап айтқанда, біріншілікте ерекше көзге түскен Ирина Лу­комская – үздік байланыс­тырушы, Ольга Бирюкова үздік шабуылшы деп танылса, Инна Матвеева ең бағалы ойыншы атанды. Енді «Алтай» әйелдер волейбол клубы ағымдағы жылдың 3-13 қыркүйек күн­дері Филиппинде өте­тін клубтық командалар ара­сындағы Азия біріншілігіне қатысады. Естеріңізге сала кетейік, осыдан бірнеше күн бұ­рын Шығыс Қазақстан облы­сының «Алтай» ерлер волейбол құрамасы да ел чемпионатын ұтып, құрлықтық бәсекеге жолдама алған болатын. Думан АНАШ, «Егемен Қазақстан». ӨСКЕМЕН.