Жалған электрші зейнеткерді тонап кетті

ҚОСТАНАЙ. 31 наурыз. Қостанайда полицейлер жалған электрші болып, тұрғындардың сеніміне кіріп, пәтер тонап жүрген 28 жасар жігітті ұстады. Жалған электршінің соңғы құрбаны 62 жастағы зейнеткер болды. Бұл туралы Облыстық ішкі істер департаменті баспасөз қызметіне сілтеме жасаған egemen.kz тілшісі хабарлады. Пәтер қоңырауын қаққан бөтен жігіт есіктің ар жағынан өзін «электршімін» деп таныстырып, үйдегі желілерді тексеретінін айтады. Оған алаңсыз сенген қария пәтеріне кіргізеді. Бұрын сотталған күдікті әйелдің назарын аулап тұрып, оның 23 мың теңгесін жымқырып кетеді. Электрш» кетісімен ақшасының да жоқтығын байқаған әйел дереу полицияға хабар береді. Полицейлер есіктің әр жерінен өздері күдіктенген адам саусағының ізін байқайды. Сол күні ұры ұсталады. Оның үстінен Қылмыстық кодекстің «Ұрлық» бабы бойынша іс қозғалды. Қазір күдіктінің басқа да ұрлықтарға қатысының барлығы тексеріліп жатыр. Нәзира Жәрімбетова. Дерек, фото: egemen.kz.