31 Наурыз, 2016

Арнайы операция кезінде 20 содырдың көзі жойылды

277 рет
көрсетілді
1 мин
оқу үшін
31-03-2016 turkishАСТАНА. 31 наурыз. Түркияның оңтүстік-шығысында жүргізілген арнайы операция кезінде 20-дан астам лаңкестің көзі жойылды. Бұл туралы 24.kz-ке сілтеме жасаған egemen.kz тілшісі хабарлады. Түркия бас штабының хабарлауынша, қаза тапқандардың арасында сепаристік ұйымның 5 мүшесі болған. Сондай-ақ, бірнеше күн бұрын басталған қақтығыс кезінде «Күрдістан жұмысшылар партиясының 23 мүшесі мерт болды. Ал мемлекеттің ішкі істер министрі Түркияның оңтүстік-шығысында комендаттық сағаттың жарияланғандығын мәлімдеді. Қазіргі кезде аталған топқа қарсы арнайы операция Хаккари және Нусайбин провинцияларында, сондай-ақ, Шырнақ қаласында жүріп жатыр. Осыған дейін қақтығыс салдарынан 5 мыңға жуық лаңкес пен 350-ден астам тәртіп сақшылары қаза тапқан болатын. Аян Әбдуәли. Дерек: 24.kz. Фото: topnews.ru.