01 Сәуір, 2016

Қазақтың киіз үйлері

442 рет
көрсетілді
1 мин
оқу үшін
31-03-16-iurtaРесейдің төрінде мейманхана болып есік ашты Ресейдің орталық аймақ­тарының бірі болып саналатын Нижний Новгород облысында қазақтың киіз үйлерінен құралатын мейманхана кешені келушілерге есігін айқара ашты. Оны мұнда Қазақстаннан көшіп келген Алексей және Павел ныспылы екі офицер жасапты. Қалың жұртшылық ежелгі Новгород жерінде осындай бір құт­ты қоныстың қатарға қосылып жатқанын ресейлік блогер Анна Вингурттің әлеуметтік желілерде таратқан ақпарынан кейін білді. Ол өзінің жеке парақшасына «Бұл Қазақстан емес! Біз Нижний Нов­город облысының Бор ауданындамыз. Бұл шынында – адам сенгісіз нәрсе», деп жазды. Аннаның айтуынша, ұядай жып-жылы қараша үйлер киіз­ден және қамыстан жасалған тө­сеніштен тұрады. Мұндағы ауданы 23 шаршы метрді алатын киіз үйлер адамдар тұру үшін тігілсе, 73 шаршы метрді алатын келесі бөлігі 60 орындық банкет залы есебінде бой көтерген. «Алексей суға шомылып алғылары келетіндер үшін қойылған үлкен астау ыдыстың қалай жылытылатынын түсіндіріп берді. Онда орыс моншасы да бар. Сосын өзі дайындаған палауды алдымызға жайып салды. Палаудың етін де өздері әзірлейді екен. Олардың фермасында 500 қойы бағылып жатыр», деп  атап көрсетеді Анна Вингурт. Алексей мен Павел Новгород жеріне киіз үйлерді Қазақстанда арнайы жасаттырып әкелген екен. Қазір туристік фирмалар осы киіз отеліне туристер әкеліп тұратын көрінеді. Мұрат АЙТҚОЖА.