Қазақ фильмі

халықаралық фестиваль лауреаты Қазақстандық киноше­берлердің тағы бір туындысы елден тысқары жерде өткен өнер жарысының алдыңғы сапынан табылды. Бұл жолы кинорежиссер Бақыт Қайырбековтің «Аспанның мәңгі аясында» атты фильмі Ресейде өткен 10-шы халықаралық фес­тивальдің лауреаты атанды. Аталмыш деректі лента «Ғылыми-көпшілік фильм­дер цикліндегі үз­дік сценарий» аталымы бойынша топ жарған. Ре­сей киносы мэтрлерінің ай­туларынша, фильм кө­рермен мен жюридің үл­кен қызығушылығын ту­ғызған. Картина 2015 жы­лы түсірілген. Оның же­лісі негізіне Нұрсұлтан Назарбаевтың «Тарих тол­қынында» кітабы алынған. Ұзын-ырғасы 10 сериядан тұратын фильм Қазақ хан­дығының құрылу тарихы жайлы сыр шертеді. – Бұл шынында да өте байсалды ғылыми сценарий мен кәсіби кинематограф еңбегінің үйлесімді қо­сылғанына айғақ бола алады. Мұндағы жұмыстар әлемдік жоғары деңгейде орындалған. Түсірілім де, реконструкция да, табиғат көріністері де солай өте ғажап жасалған. Мені, әсіресе, өте дәлме-дәл жа­зылған сценарий қатты қы­зықтырды. Мұның не­гізінде үлкен ғылыми ең­бек жатқанын да пайым­дау қиын емес, – деді фестивальдің қазылар алқа­сының төрағасы Вик­тор Скубей. Картинаға қатысты жақ­сы пікір мен байламды Ресей кинематографис­тер одағы төрағасының бі­рінші орынбасары Олег Иванов та білдірген. Ол осы фильмнің халықаралық деңгейде марапат алуының өзі Қазақстанның ұлттық киносы деңгейінің өскенін көрсететінін атап өтті. Мұрат АЙТҚОЖА.