Қазақ операсына қызыққан

Жерар Депардьенің ән салғысы келеді Француздың атақты актері Жерар Депардье еліміздегі опера сахнасында ән салғысы келеді. Мәдениет және спорт министрі Арыстанбек Мұхамедиұлымен кездесу барысында ол Қазақстанның киелі сахнасына қызығатынын және классикалық әндер шырқағысы келетінін жасырмады. – Мен актер әрі музыкантпын. Тіпті, бірнеше операда өзім орындаушы болдым. Қазір көптеген классикалық туын­дыны оқып жатырмын. Мұндағы халық классикалық музыканы жоғары бағалайды. Маған, негізі, шығармашылық үшін кеңістік керек. Ал, мен сол өзіме керектіні осы елден табамын, – деді ол. Сондай-ақ, Депардье министрмен дидарласқан сәтінде Франция мен Қа­зақстан арасындағы мәдени бай­ланыстың бүгінгі жай-күйін жан-жақты талқылады. Оның айтуынша, екі елдің арасындағы өнер мен мәдениет қарқынды дамыған. «Сондықтан да, – деді ол, – мен осы қа­рым-қатынасты нақтылай түскім келеді. Маған Қазақстан ұнайды. Ендігі мақсатым – операда ән салып, халықтың қошеметіне бөлену». Айта кетейік, 67 жастағы актер кездесуде өзінің алдағы жоспарларына да тоқталып өтті. Ол өзінің басты мақсаты Қазақстанның опера сахнасында өзіндік із қалдыру екенін ашып айтты. Талғат РАЙЫМБЕК, «Егемен Қазақстан».