09 Сәуір, 2016

Күн тәртібі нақтыланды

282 рет
көрсетілді
1 мин
оқу үшін
02.jpg-02-09Кеше Мәжіліс Спикері Бақтықожа Ізмұхамбетовтің төрағалығымен Мәжіліс бюросы өтіп, алдағы жалпы отырыстың күн тәртібі нақтыланды, деп хабарлады осы палатаның баспасөз қызметі. Онда депутаттар талқысына «Қазақстан Респуб­ли­касының Үкіметі мен Халықаралық қайта құру және даму банкі арасындағы Қазақстан Республикасында офис­тер құру және олардың жұмыс істеуі туралы ке­лі­сімді ратификациялау туралы» заң жобасы ұсынылмақ. Бұл келісімге 2016 жылдың 21 қаңтарында Швей­царияның Давос қаласында Дүниежүзілік эконо­микалық форум аясында қол қойылған. Жаңа келі­сім Дүниежүзілік банктің Қазақ­стан­дағы барлық офистері мен қыз­мет­керлерінің мақсаттарын, мәрте­бесін, артықшылықтары мен иммунитеттерін айқындайды. Сонымен қатар, жалпы оты­рыста Қазақстан халқы Ассамб­леясының депутаттық тобын тіркеу мәселесі қаралмақ.