09 Сәуір, 2016

Теннисші Юлия Путинцева Винус Уильямсты жеңді

217 рет
көрсетілді
1 мин
оқу үшін
09.04.2016 AST-2 АСТАНА. 9 сәуір. Қазақстандық теннисші Юлия Путинцева АҚШ-тың Чарльстон қаласында өтіп жатқан турнирде ширек финалға шықты. Бұл туралы egemen.kz тілшісі хабарлады. Ол үшінші айналымда АҚШ-тың Олимпиаданың төрт дүркін чемпионы,әлемнің 14-ракеткасы Винус Уильямсты 7:6, 2:6, 6:4  есебімен ұтты. Кездесу үш сағатқа созылды. Бұған дейін екеуі үш рет кездескен болатын. Соның барлығында Уильямс жеңіп келген. Путинцева осы жеңісінен кейін әлемдік рейтингте 75 ұпай қосып алды. Қазақстандық теннисші енді ол ширек финалда италиялық Сара Эрранимен кездеседі. Қазіргі Путинцева Қазақстанның бірінші ракеткасы саналады. Ол әлемдік рейтингте 61 орында тұр. Оған қарсылас болған Уильямс әлемдік рейтингте 14 орында келе жатыр. Дастан Кенжалин. Дерек: egemen.kz Фото: Reuters