Ғибадатханадағы өрттен қаза тапқандар 77-ге жетті

АСТАНА. 10 сәуір. Үндістанда ғибадатхана отқа оранып, салдарынан қаза тапқандардың саны 77-ге жетті. Бұл туралы 24.kz-ке сілтеме жасаған egemen.kz тілшісі хабарлады. Өрт елдің оңтүстік батысында орналасқан Керала штатындағы ғибадатханалардың бірінде болған. Жергілікті биліктің хабарлауынша, ғимарат тұтас отқа оранған. Қазіргі уақытта қаза тапқандардың саны 77 адамға жетсе, 200-ден астамы түрлі дәрежеде дене жарақатын алған. Алдын ала болжам бойынша өрттің тұтануына діни мерекені тойлау кезінде атылған отшашу себеп болған. Талғат Райымбек. Дерек, фото: 24.kz.