Ыстамбұлда тағы да жарылыс болды

АСТАНА. 10 сәуір. Түркияның Ыстамбұл қаласында тағы да лаңкестік жағдай орын алды. Бұл туралы ТАСС ақпарат агенттігіне сілтеме жасаған egemen.kz тілшісі хабарлады. Haberturk телеарнасы қаланың Мечидиекой ауданында жарылыс болып, 3 адамның түрлі деңгейде жарақат алғаны жөнінде ақпарат таратты. Оқиға Trump Tower сауда орталығының қасындағы автобус аялдамасында болған. Зардап шеккендер жергілікті ауруханалардың біріне жеткізілді. Қазіргі кезде полиция қызметкерлері тергеу амалдарын жүргізуде.  Бұл іске арнайы тікұшақ та жұмылдырылды. Айта кетейік, осы жылдың 12 қаңтар күні Ыстамбұлдың Сұлтанахмет алаңында экстремистердің әрекетінен 10 адам опат болып, 15 адам ауыр жараланды. Мәліметтерге сәйкес, олардың көпшілігі Германиядан келген туристер болатын. Аян Әбдуәли. Дерек, фото: ТАСС.