Лаңкестік шабуылдан 18 адам қаза тапты

АСТАНА. 10 сәуір. Филиппиннің оңтүстігіндегі Басилан провинциясында лаңкестер үкімет әскеріне шабуыл жасады. Бұл туралы ТАСС ақпарат агенттігіне сілтеме жасаған egemen.kz тілшісі хабарлады. Оқиға кезінде 18 әскери қызметкер қаза тауып, 53 адам түрлі деңгейде жарақат алды. Kyoda News агенттігінің хабарлауынша, 3 содыр мерт болып, 20-ға жуығы жараланған. Атыс аталған аймақта соңғы бір тәулік ішінде болды. Мәліметтер бойынша, үкімет әскері «Абу Сайяф» экстремистік тобының содырларымен қақтығысқан. Осыған дейін аталған топтың Малайзияның 4 азаматын және Индонезияның 10 теңізшісін тұтқынға алғаны туралы ақпарат тараған. Аян Әбдуәли. Дерек: ТАСС. Фото: en.alalam.ir.