Прокурорлар тоқтамға алынған істерге талдау жасады

Бас Прокурордың №21 бұйрығымен бекітілген «Азаматтық сот ісін жүргізуде заңдардың қолданылуына прокурорлық қадағалауды ұйымдастыру және соттарда мемлекеттің мүддесіне өкілдік ету туралы нұсқаулығының 20-тармағына сәйкес, Қызылорда қалалық прокуратурасымен 2016 жылдың 3 айында азаматтық істерді қарау барысында тоқтамға алу кезіндегі заңдылықтың сақталуына талдау жасалды. Статистикалық есеп мәліметтеріне сәйкес, есепті мерзімде жергілікті соттармен 24 азаматтық іс бойынша тоқтамға алу туралы ұйғарымдар қабылданған, олардың барлығы да сотпен сараптама тағайындалуына байланысты тоқтамға алынған. Оның ішінде 11 азаматтық іс бойынша сот-психиатриялық сараптамасы тағайындалса, 6 сот тауартану, 5 сот молекулярлы-генетикалық, 2 сот қолтаңба сараптамалары бойынша тағайындалған. Сонымен қатар, тоқтамға алынған азаматтық істердің 4-і есепті мерзімнен қалдыққа қалдырылса, 20-ы бойынша өндіріс қайта жаңғыртылып, шешім қабылданған. Қызылорда қалалық сотының 09.03.2016-жылғы ұйғарымымен отырысында арыз беруші У.П.-ның баласы Т.П.-ты әрекетке қабілетсіз деп тануды сұраған. Арызға тіркелген құжаттарға қарағанда, Т.П. «Тұлғаның органикалық этиологиялы бұзылуы» диагнозымен 2014 жылдан бастап «Д» есепте тұрады және 1-ші топтағы мүгедек екендігі көрінеді, азаматтық істі қарауға әзірлік жұмыстарын жүргізу барысында, Т.П.-тың психикалық хал-жағдайын анықтау үшін сот-психикалық сараптама тағайындау қажеттігі туындауына байланысты сотпен амбулаторлық сот-психиатриялық сараптама тағайындалып, оны жүргізу «Қызылорда облыстық психоневрология ауруханасына тапсырылған. Соттың 31.03.2016 жылғы ұйғарымымен азаматтық іс қайта жаңғыртылып, қазіргі таңда іс бойынша түпкілікті шешім қабылданбаған. Сондай-ақ, 2016-жылдың 3 айында қалалық соттармен заңсыз тоқтамға алынған азаматтық істерге жол берілмеген және қалалық прокуратурамен әрбір тоқтамға алу деректері бойынша ұйғарымдардың заңдылығы мерзімінде зерделенуі қамтамасыз етілген. Лаура САГИЕВА, Қызылорда қалалық прокуратурасының аға прокуроры.