Қазақстан Республикасы Президенті архивінде Тәуелсіздіктің 25 жылдығына орай студенттер арасында алғаш рет архивтану мамандығы бойынша олимпиада өтті. «Ұлт Жоспары – бес институттық реформаны жүзеге асыру жөніндегі 100 нақты қадам» бағдарламасын іске асыру шеңберінде студенттердің шығармашылық белсенділігін арттыру және оларға болашақта архив мамандығы бойынша жұмыс жасауға ықпал ету мақсатында дайындалған іс-шара әл-Фараби атындағы Қазақ ұлттық университетімен бірлесе өткізілді.
«Индустрияландыру және экономикалық өсім» институттық реформасын іске асырудың маңызды бір бөлігі – даярланатын кадрлардың бәсекелестік қабілетін арттыру болып табылады. Бұл 79-қадамда көрсетілген. Бүгінде осы мақсатта Президент архивінде ауқымды жұмыстар жүргізілуде. Мәселен, архивте тұрақты түрде бірқатар жоғары оқу орындарының тарих факультетінің студенттеріне өндірістік тәжірибе ұйымдастырылады, оқу залында студенттер дипломдық және курстық жұмыстарын жазу үшін архив құжаттары бойынша зерттеулер жүргізеді, архивтің әртүрлі іс-шараларына қатысады, соның ішінде тарихи-құжаттық көрмелер, дөңгелек үстелдер, белгілі зерттеуші тарихшылармен кездесулер өтіп тұрады.
Сондықтан да, аталмыш олимпиада – студенттердің ғылымға ынтасын арттырып, Ұлттық архив қорының құжаттарын әйгілеуге, архив ісі мен құжаттануды насихаттауға, архив мамандығының мәртебесін көтеруге өз үлесін қоспақ.
Олимпиада екі тур бойынша өтті. Біріншісі 10 сұрақтан тұратын тест тапсырмалары. Екінші тур – үй тапсырмасы. Студенттер алдын ала берілген тақырыптар бойынша баяндама жасады. Қазылар алқасының мүшелері Президент архивінің басшылығы және әл-Фараби атындағы ҚазҰУ-дің оқытушылары болды.
Олимпиадаға әл-Фараби атындағы Қазақ ұлттық университеті, тарих факультетінің «Мұрағаттану, құжаттарды жүргізу және құжаттамамен қамтамасыз ету» мамандығынан іріктеліп 15 студент қатысты. 3 студент жүлделі орындарға ие болды. 1-ші орынды 2 курс магистранты Гүлжан Қалмырзаева жеңіп алса, 2-ші орынды 3 курс студенті Балғын Жақсылық, 3-ші орынды 3 курс студенті Жангелді Сұлтанхан иеленді. Қалған студенттер әртүрлі номинациялармен марапатталды. Жүлделі үш орынға белгілі тарихшы, мемлекет және қоғам қайраткері Марат Жақсыбайұлы Хасанаевтің атынан ақшалай шәкіртақы тағайындалды.
Гүлзейнеп СӘДІРҚЫЗЫ,
«Егемен Қазақстан».
Қазақстан Республикасы Президенті архивінде Тәуелсіздіктің 25 жылдығына орай студенттер арасында алғаш рет архивтану мамандығы бойынша олимпиада өтті. «Ұлт Жоспары – бес институттық реформаны жүзеге асыру жөніндегі 100 нақты қадам» бағдарламасын іске асыру шеңберінде студенттердің шығармашылық белсенділігін арттыру және оларға болашақта архив мамандығы бойынша жұмыс жасауға ықпал ету мақсатында дайындалған іс-шара әл-Фараби атындағы Қазақ ұлттық университетімен бірлесе өткізілді.
«Индустрияландыру және экономикалық өсім» институттық реформасын іске асырудың маңызды бір бөлігі – даярланатын кадрлардың бәсекелестік қабілетін арттыру болып табылады. Бұл 79-қадамда көрсетілген. Бүгінде осы мақсатта Президент архивінде ауқымды жұмыстар жүргізілуде. Мәселен, архивте тұрақты түрде бірқатар жоғары оқу орындарының тарих факультетінің студенттеріне өндірістік тәжірибе ұйымдастырылады, оқу залында студенттер дипломдық және курстық жұмыстарын жазу үшін архив құжаттары бойынша зерттеулер жүргізеді, архивтің әртүрлі іс-шараларына қатысады, соның ішінде тарихи-құжаттық көрмелер, дөңгелек үстелдер, белгілі зерттеуші тарихшылармен кездесулер өтіп тұрады.
Сондықтан да, аталмыш олимпиада – студенттердің ғылымға ынтасын арттырып, Ұлттық архив қорының құжаттарын әйгілеуге, архив ісі мен құжаттануды насихаттауға, архив мамандығының мәртебесін көтеруге өз үлесін қоспақ.
Олимпиада екі тур бойынша өтті. Біріншісі 10 сұрақтан тұратын тест тапсырмалары. Екінші тур – үй тапсырмасы. Студенттер алдын ала берілген тақырыптар бойынша баяндама жасады. Қазылар алқасының мүшелері Президент архивінің басшылығы және әл-Фараби атындағы ҚазҰУ-дің оқытушылары болды.
Олимпиадаға әл-Фараби атындағы Қазақ ұлттық университеті, тарих факультетінің «Мұрағаттану, құжаттарды жүргізу және құжаттамамен қамтамасыз ету» мамандығынан іріктеліп 15 студент қатысты. 3 студент жүлделі орындарға ие болды. 1-ші орынды 2 курс магистранты Гүлжан Қалмырзаева жеңіп алса, 2-ші орынды 3 курс студенті Балғын Жақсылық, 3-ші орынды 3 курс студенті Жангелді Сұлтанхан иеленді. Қалған студенттер әртүрлі номинациялармен марапатталды. Жүлделі үш орынға белгілі тарихшы, мемлекет және қоғам қайраткері Марат Жақсыбайұлы Хасанаевтің атынан ақшалай шәкіртақы тағайындалды.
Гүлзейнеп СӘДІРҚЫЗЫ,
«Егемен Қазақстан».
Соңғы жаңалықтар
Қазақстан • Кеше
«Еңбек өтілі 374 жыл»: Павлодарлық мұғалімдер әулеті
Жұмыс • Кеше
