Мемлекет қайраткері Сағидолла Құбашев қайтыс болды

АСТАНА. 19 сәуір. Алматы қаласында белгілі мемлекет және қоғам қайраткері 90 жасқа қараған шағында қайтыс болды. Бұл туралы inform.kz-ке сілтеме жасаған egemen.kz тілшісі хабарлады. Марқұмды ақтық сапарға шығарып салу рәсімі ертең Фурманов көшесі, 220-үйде өтеді. Сағидолла Құбашев 1927 жылғы 10 ақпанда Атырау облысының Индер ауданында туған. 1949 жылы зоотехникалық-ветеринарлық институтты аяқтады. 1953-1960 жылдары Индер ауданының «Передовик» елді мекенінде колхоз председателі болған. 1960-1963 жылдар арлығында Гурьев облыстық депутаттар кеңесі атқару комитетіне төрағалық етті. Ал 1975-1979 жылдары Қазақ Министрлер Кеңесін, Ақтөбе, Қызылорда облыстық атқару комитеттерін басқарған. Қазақстан Компартиясының XI, XII, XIII, XIV, XV, XVI съездерінің мүшесі болған. 1987-1988 жылдары Компартияның Орталық Комитеті бюросының мүшесі болды. Ел дамуына айтулы үлесін қосқаны үшін бірқатар мемлекеттік марапатқа ие болған. Аян Әбдуәли. Дерек, фото: inform.kz.