Машина жасаушылар жиыны

Мәскеуде Одақтар үйінің Колонна залында Ресей Машина жасаушылар одағының съезі өтті. Съездің басты тақырыбы – кадрлар дайындау және жұмыс орындарын ашу, жоғары техноло­гиялық өндірісті дамытуға бағыт­талған ел дамуының эконо­микалық бағытындағы түзетулер жөнінде ұсыныстар әзірлеу. Шараға Одақтың 68 аймақтық бөлімшесінен мыңға жуық деле­гаттар мен уәкілетті өкілдер, ре­сей­лік өңірлердің басшылары, заң шы­ғарушы және атқарушы би­лік­тердің федералдық орган­дарының, қаржылық және і­с­кер­­­лік ортаның, азаматтық қоғам институттарының өкіл­дері, же­текші өнеркәсіптік кор­по­ра­циялардың, ірі ғылыми және білім беру мекемелерінің басшылары қатысуда. Съезге РФ президенті Владимир Путин қатысты. Съезд делегаттары қоғамдық ұйымның 5 жылдық жұмысының қорытындысын шығарады және Ресей машина жасаушылар одағы органдарының жаңа басшылық құрамын сайлады. Еліміз тарапынан съезде Қазақ­стан Машина жасаушылар одағы басқармасының төрағасы М.Пішембаев сөз сөйледі. Ол өз сөзінде Қазақстан Ресейді стратегиялық одақтас және серіктес ретінде қабылдайды, тек қана экономикалық байланыстар жасайтын ел емес, сондай-ақ, жал­пы тарих, мәдениет және менталитет те байланыстыратын стратегиялық одақтасы және серіктесі ретінде қабылдайтынын атап өтті. «Екі мемлекеттің ынты­мақ­тас­тығы, соның нәтижесіндегі ұлттық экономика сала­лары Еуразиялық экономикалық одақ­­т­ың құрылуымен және жұмыс істей бастауымен айтарлықтай арта түсті. ЕАЭО бізге өзара ықпалдастықтың жаңа белестерін бағындыруға, сонымен қатар экономикалық өсім үшін жаңа мүмкіндіктерге жол ашады», деді М. Пішембаев. Машина жасау саласындағы қосымша шығындарды төмен­детуді, еңбек өнімділігін арттыру үшін тиімді жұмыс істеуге мүмкіндік беретін «ғылым-техника-өндіріс» кезеңі бойынша ғылыми-өндірістік кооперацияны бірлесіп дамыту қажеттілігі туралы мәселені көтере отырып, Машина жасаушылар одағы­ның төрағасы съезге қатысушыларға креативті жұмыстар мен сын­дарлы сұхбаттар тіледі. «Егемен-ақпарат»