Құтылардан гүл жасаған

шебер ЭКСПО-2017 көрмесіне шақырту алды Қызылорда қаласының тұрғыны Нәзипа Сарым­сақова – пластикалық құты­лардан гүл жасайтын шебер. Ол бұл кәсіппен екі жылдан бері айналысып келеді. Алғашында 5 литрлік құтыларды тастамай, олардан түрлі ойыншықтар жасауға бейімделе бастапты. Содан кейін есік алдында өсетін гүлдерге ке­рек­­ті қоршауларды да өзі құ­рас­тырған. Кейін ғаламтор арқылы гүлдің түрлі нұс­қа­ларын көріп, соларды плас­тикалық бөтелкеден жасауды қолға алған. Қазіргі таңда шебердің қолынан шыққан 100-ге жуық гүл композиция­сы бар. – Бір гүлді жасап шығу үшін бірнеше күн еңбек етемін. Оған қажетті пластмасса құтыларды жинап біраз уақыт жоғалтамын. Көбіне қо­ғамдық тамақ­тандыру орын­дарынан аламын, – дей­ді ол. Нәзипа апаның үйіне келген адам құдды бір баққа кіргендей әсерге бөленеді. Мұндағы раушан, лилия, қызғалдақ, түймедақ сияқ­ты жасанды гүлдер тірі өсім­діктерден айнымайды. Қазір шеберге тапсырыс берушілер өте көп. Гүлде­рінің бағасы да әртүрлі. Олар 200 теңгеден 10 000 теңгеге дейін барады. Ол қазір ке­зекті гүлдер се­рия­сын жасау жолында қы­зу еңбек етуде. Себебі, ЭКСПО-2017 көр­ме­сіне қа­тысу үшін арнайы ша­қырту алған. Талғат РАЙЫМБЕК, «Егемен Қазақстан»