Абай мұражайы

ақын заманындағы ер-тоқыммен толықты Ұлы ақын Абайдың «Жи­дебай-Бөрілі» мемлекеттік қорық-мұражайы тарихи, аса құнды жәдігер – ер-то­қыммен толықты. Кө­ненің кө­зіндей болған бұл ат әбзелін Қарағанды об­лысындағы, Бұқар жырау ауданының 85 жас­та­ғы тұрғыны Рамазан Құ­сайынұлы мұражайға тап­сырған. Қарияның айтуынша, бағалы дүние Абайдың нағашы атасы, яғни Ұлжан­ның әкесі Тұрпан Битен­ұлына тиесілі. Ол қайтыс болар шағында ер-тоқымды ұлы Тонтайға қалдырған. Алайда, ХХ ғасырда қуғын-сүргінге ұшыраған Тонтай ұрпағы атадан қалған мұ­раны тау үңгірлерінің бі­ріне жасыруға мәжбүр болады. Арада біраз уақыт өткеннен кейін, 1939 жылы ауылдық кеңес төрағасы құнды затты Рамазанның әкесі Құсайын Садықұлына аманаттайды. Көзі тірісінде біраз жөндеуден өткізіп, қартайған шағында ұлы Рамазанға тапсырған. Осы­лайша, ұрпақтан-ұрпаққа сақталып келген жәдігер енді мұражай төрінен орын алды. – Абайдың нағашы ата­сынан қалған ер-то­қым­ның бүгінге дейін сақ­талып келгенін есті­генімізде еріксіз таң қал­дық. Уақыт жоғалтпай, Ра­мазан Құсайынұлымен бай­ланысқа шығып, құнды дүниені мұражайға тапсыруын сұрадық. Ол кісі де келісе кетті. Әкеден қал­­ған мұраны көзінің қа­рашығындай сақтағаны көрініп тұр. Алдағы уа­қытта реставрациялап, ғи­­маратымыздың төріне қоямыз, – деді мұражай ди­ректорының орынбасары Мейрамгүл Қайранбаева. Аян ӘБДУӘЛИ, «Егемен Қазақстан»