Аптап ыстықтан жүздеген адам көз жұмды

АСТАНА. 20 сәуір. Үндістанда соңғы екі апта ішінде ауа райының қолайсыздығынан 200 адам көз жұмды. Бұл туралы ТАСС ақпарат агенттігіне сілтеме жасаған egemen.kz тілшісі хабарлады. Ауа райының күрт ысуынан әсіресе, Одишьи, Теленгана және Андхра-Прадеша штаттарының тұрғындары зардап шекті. Қайтыс болғандардың басым бөлігі Теленгана аймағының халқы. Бұл жақта 100-ден астам адам көз жұмған. Аталған штаттарда бұрын-соңды болмаған температура тіркелді. Мәліметтер бойынша Цельсий бағамы бойынша 46 градусқа дейін барған. Бұл орташа ауа температурасынан 5-6 градусқа ыстық. Ғалымдардың болжамы бойынша елдің оңтүстігінде биыл тағы да күн ерекше ыстық болады. Өткен жылы осыған байланысты 2 мыңнан астам адам қайтыс болған. Осының алдын алу үшін билік бірнеше аймақта төтенша жағдай режімін қабылдады. Сондай-ақ, тұрғындарға күндіз сағат 11:00-13:00 арасында сыртқа шықпауға кеңес берді. Аян Әбдуәли. Дерек: ТАСС. Фото: bbc.com.