Парламенттік форум отырысына қатысты

Парламент Сенатының депутаттары Қайрат Ищанов пен Мұратбай Жолдасбаев «Азия-Еуропа» парламенттік ынтымақтастығы форумының 9-шы отырысына қатысты. Шара Моңғолияның астанасы – Улан-Баторда өтті, деп хабарлады Сенаттың баспасөз қызметі. «Азия-Еуропа» парламент­тік ынтымақтастығы аясында қазақ­стандық депутаттар Моң­ғолия Парламенті төр­аға­сының орынбасары Миеэгомбын Энхболдпен кездесіп, екі елдің заң шығару органдарының ынтымақтастығын үдетудің келешегін талқылады. Жалпы отырыс барысында Моңғолия Парламентінің төрағасы Зандаахуугийн Энхболд Моңғолия үнқатысуды дамыту және сауданы ұлғайтудағы өзара іс-қимылға, «Азия-Еуропа» форумы негізгі міндеттерінің бірі болып табылатын екі құрлықтың инвестициялық байланыстарына үлес қосуға ұмтылатынына назар аударды. Конференция қорытын­дысы бойынша «Азия-Еуропа» парламенттік ынтымақ­тас­тығының декларациясы қабыл­данды. Онда қатысушы елдердің әлемдегі және аймақ­тағы өзекті мәселелер бойынша келісілген қадамдары көрініс тапты. Шараға Үндістан, Италия, Пәкістан және Таиланд парла­мент­терінің төрағалары, 11 ел­дің, атап айтқанда, Австралия, Индонезия, Финляндия, Мажар­­стан, Польша, Вьетнам және Ис­­пания пар­ламенттері төр­аға­­ларының орынбасарлары, сон­дай-ақ, 32 елден және Еуропарламенттен 156 делегат қатысты.