Ескі купюралар айналымнан алынады

Осы жылдың 3 қазанынан бастап екі, бес және он мыңдық купюралар қолданыстан алынып тасталады. Бұл ақшалар 2006 жылы шыққан. Сондықтан да, қаржы мамандары айналымда жүрген 300 миллиард теңге болатын ескі банкноттардың күшін жоюды құп көріп отыр. Ұлттық банк басшылығы қазақ­­стандықтарға қолданыста жүрген аталған купюралардың қазан айына дейін жарамды екенін тексеруде. – Егер де қазіргі таңда аталған банк­ноттарды қандай да бір мекеме қабылдаудан бас тартса, Ұлттық банкке барып, шағымдануға то­лық құқыңыз бар, – дейді қаржы ма­мандары. Сондай-ақ, Ұлттық банктің  қолма-қол ақшамен жұмыс жүр­гізу басқармасы басшысының орынбасары Андрей Балахметов «Бәйтерек бейнеленген жалпы сомасы 300 млрд. теңгенің купюралары айналымнан алынуда. Егер сіз үйден осындай ескі ақшаны тауып алсаңыз, алайда, оны ауыстыру уақыты өтіп кетсе, абыржудың қажеті жоқ. Өйткені, келер жылы толығымен айырбастап алуға құ­қы­­ңыз бар», – дейді. Айта кетейік, Қазақстан бо­йын­ша аталған банктің барлық бөлімшелері 2016 жылдың 3 қа­за­нынан бастап, 2020 жылдың 3 қа­занына дейін төрт жыл бойы купюраларды ауыстыру аясында жұмысын жалғастыра береді. Талғат РАЙЫМБЕК, «Егемен Қазақстан»