Ақсу қаласына жаңа әкім тағайындалды

ПАВЛОДАР. 29 сәуір. Павлодар облысының әкімі Болат Бақауовтың өкімімен және қалалық мәслихат депутаттарының келісімі бойынша Нұрлан Дүйсембинов Ақсу қаласының әкімі қызметіне тағайындалды. Бұл туралы egemen.kz тілшісі хабарлады. Нұрлан Дүйсембинов 1973 жылы туған. Еңбек жолын «Игілік» банктің маманы болып бастаған. Ол 2005 жылы Павлодар қаласы бойынша салық комитеті төрағасының орынбасары, төрағасы, 2008 – 2014 жылдары облыстық салық департаменті басшысының орынбасары қызметтерін атқарды. Сондай-ақ, 2014 жылғы тамыздан осы уақытқа дейін облыс бойынша тексеру комиссиясының төрағасы болды. Актив барысында облыс әкімі Болат Бақауов жаңа әкімнің алдына бірқатар міндеттер қойды. «Қаланың инвестициялық тартымдылығын арттыру керек. Өнеркәсіптік әлеуеті үлкен сұранысқа ие. Ақсу ферроқорытпа зауыты мен Еуроазиаттық энергетикалық корпорациясы маңында жапсарлас өндірістер құру басты міндет», – деді аймақ басшысы. Фарида Бықай. Дерек, фото: egemen.kz.