«Ашық үкіметті» енгізу мәселелері талқыланды

Кіші жұмыс тобы «100 нақты қадам» Ұлт Жоспарын іс жүзінде іске асыру мақсатында Мәжіліс депутаттарынан, мемлекеттік ор­гандар мен үкіметтік емес ұйым­дардың өкілдерінен құрылады. «Ашық үкіметті» енгізу бойынша атқарылып жатқан жұмыс жөнінде Инвестициялар және даму вице-министрі Сәкен Сәрсенов таныстырды. Өзінің сөзінде С.Сәрсенов Инвестициялар және даму министрлігі тарапынан мемлекеттік органдарды, халықты техникалық, сондай-ақ, ақпараттық қолдау бойынша белсенді жұмыс атқарылып жатқанын атап өтті. Сондай-ақ, Инвестициялар және даму министрлігі заңды орындау бойынша ақпарат иелерін оқыту үшін модельді алаң ретінде әрекет етуге дайын екендігін мәлімдеді. Алматы әкімдігі баспасөз қызметінің жетекшісі Гүлжазира Сайдахмедова өзінің сөзінде «Ақпаратқа қол жеткізу туралы» Заңды іске асыру бойынша Алматы қаласының әкімдігінде модельді алаң құру бойынша атқарылып жатқан жұмыс туралы баяндады. Отырыста, сонымен қатар, «Ақпаратқа қол жеткізу туралы» Заң ережелерін өңірлерде түсіндіру бойынша халықаралық институттармен бірлескен жұмыстың перспективалары талқыланды. Бірінші семинар-тренинг Оңтүстік Қазақстан облысында 28-29 сәуірде өтсе, енді мұндай іс-шаралар тағы тоғыз аймақта жоспарланып отыр. Отырыс барысында Кіші жұмыс комиссиясының мүшелері «Ақпаратқа қол жеткізу туралы» Заң нормаларын жедел іске асыру біздің азаматтарымызға өздеріне қажетті толық, дәйекті ақпаратты шұғыл түрде алуына, НҚА жобаларын, республикалық және жергілікті бюджеттерді талқылауға қатысуға, ұсыныстар мен ұсынымдарды енгізуге, сондай-ақ, мемлекеттік органдардың қызметін бағалауға мүмкіндік беретінін атап өтті. Отырысты қорытындылай келе, М.Әшімбаев қаралып отырған мәселе жан-жақты әрі нысаналы талқыланғанын және талқылау барысында айтылған барлық сындарлы ескертулер мен ұсыныстар Қазақстанда «Ашық үкіметті» енгізу бойынша одан әрі жұмыс барысында ескерілуге тиіс екенін атап көрсетті, деп хабарлады Мәжілістің баспасөз қызметі.