Қыспаққа алып тұр

Дәл биылғыдай табандап тұ­рып алған  аязды күндерді бала­лық шақта білуші едік. Міне, бір айдан асқанда ғана аяз сәл сы­нып, облыстың кейбір аймақ­та­ры­на қылаулап қар жауа бас­тады. Алайда, Катон­қа­ра­ғай және Зайсан аудандарын­да, Зырян қала­сын­да түнге қа­рай ауа темпера­турасы минус 37 градустан асып түсуде. Семей және Риддер қала­ларын­дағы апатты жағдайдан көп­ші­­лік хабардар. Бұл екі қалада да күннің қатты суықтығынан жылу қазандықтары істен шы­ғып, көптеген тұрғын үйлер­дегі адамдардың жаурағаны белгілі. Жыл басында Семейдің Ер­тіс­тің  сол жағалауындағы бө­лі­гі­не жылу берудің сапасыз­дығы жөнінде оқиғалар тіркеліп, 5-12 қаңтар аралығында ТЭЦ-1 істен шығып, тұрғын үйлердегі температура режимі күрт төмендеп кетті. Бүгінгі таңда ТЭЦ-тегі 7 қазандықтың алтауы жұмыс қал­пында, біреуіне жөндеу жұмыс­тары жүргі­зіл­ді. Құбырлардағы температура  76  градусты көр­сетуде. Бір кездері Семейде 100 қазан­дық болса, қазір қалғаны – 49. Оның 22-сі ғана жұмыс істеп тұр, –деді облыс әкімінің орын­басары Серік Тәукебаев журналистермен кездесуде. Ал Риддер қаласына келсек, мұнда да көмірдің сапасыз­дығы­на байланысты жылу беретін қазан­дықтар дұрыс жұмыс істемей, бірнеше тұрғын үйлер мен әлеуметтік ғимараттар суып кеткен. Көмір құ­рамында минерал­ды қоспалар­дың көптігінен көмір тастарының мөл­шері стандарт та­лабына сай емес. Аталмыш мә­селе бойынша облыс әкімі Қара­жыра кен орны­ның бас­шы­лары­мен кездесіп, Риддер ЖЭО-ға са­па­лы көмір жеткізу жөніндегі келісімге қол қойылды. Ең басты кемшілік, – дейді Серік Шәуен­ұлы – тұрғын үйлердің қыс­қа әзір бол­мағандығы. Облыс бо­йын­­ша 2 миллион 810 мың тонна кө­мір әзір­ленді, бұл қажеттілік­тің 90 па­йызы, демек көмір қоры жеткілікті. Бұдан кейін әңгіме төркіні, жолдардың қысқа әзірлігі, техника және жол тазалауға ойысты. Өт­кен жылы да, биыл да қар мөл­шерінің қалыңдығынан әрі қатты суықтан жолдар бірнеше күнге жабылып қалған. Биыл жағдай жаман емес. Барлық автожолдарға 730 қар тазалау техникасы бөлінген. Соны­мен қатар, 73 шаруашылықпен қауіпті жағдай туындаған жағ­дайда қосымша 166 техника бөлу жөнінде келісім жасалды. Өткен жылғы су тасқынынан қорытынды жасауға тиіспіз деді  С.Тәукебаев. Көкпекті ауданын­дағы Лайлы су қоймасын жөн­деу­ге 70 миллионнан астам қар­жы бө­лініп, ол жөнделді. Қазір об­лыс­та 193 гидроқондырғылар бар. Оның 48-і мемлекеттік меншікте болса, 16-сы жеке меншікте. 55-і коммуналдық шаруашы­лықтарда, қала, аудан, ауылдық округтер қарамағында. 74-інің иесі жоқ. Міне, су тасқыны кезінде осылар­ды қатаң бақылауға алған жөн. Атап айтқанда, Бектемір су қоймасы, Черкашино және Ешкібай су қоймаларын­дағы ахуал алаң­датарлық. Бұл қон­дырғы­лардың барлығын об­лыс әкімі қатаң бақылауда ұстап отыр. Бір айдан астам тұрып алған саршұнақ аяз салдарынан бірнеше адам үсіп қалған, 13 өрт оқиғасы, тұрмыспен қамтама­сыз ету нысандарында бірнеше апатты жағдай тіркелген. Оңдасын ЕЛУБАЙ, Шығыс Қазақстан облысы.