Лай көшкінінен 13 адам ажал құшты

АСТАНА. 7 мамыр. Мьянмада лай көшкінінен 13 адам ажал құшты. Бұл туралы ТАСС ақпарат агенттігіне сілтеме жасаған egemen.kz тілшісі хабарлады. Associated Press агенттігінің мәліметі бойынша, оқиға өткен бейсенбі күні, яғни 5 мамырда кешке таман нефрит өндіретін шахтаның қасындағы Хпакант қаласына таяу жерде болған. Үйіндінің астында әлі қанша адамның бар екені белгісіз. Қазір іздеу-құтқару жұмыстары жүріп жатыр. Зардап шеккендер ауруханаларға жеткізілді. Мемлекеттің солтүстігінде болып отырған бұл алғашқы жағдай емес. Өткен жылдың 21 қарашасында аталған қаланың маңайында сел жүріп, 113 адам қаза тапқан. Қирандының астында кеншілердің тұратын 80-ге жуық үйшіктері қалған. Аян Әбдуәли. Дерек: ТАСС. Фото: 24.kz.