Ірі жол апатынан 73 адам қаза тапты

АСТАНА. 8 мамыр. Ауғанстанның шығысындағы Газни провинциясында екі жолаушылар автобусы соқтығысып, 73 адам қаза тапты. Бұл туралы РИА «Новости» ақпарат агенттігіне сілтеме жасаған egemen.kz тілшісі хабарлады. Апат салдарынан тағы 50-ден астам адам түрлі деңгейде жарақат алды. Олардың арасында әйелдер мен балалар да бар. Оқиға жергілікті уақыт бойынша, сағат 06:30 кезінде Кабул мен Кандагар қалаларының арасында болды. Мәліметтер бойынша қос автобустың ішінде 120 адам болған. Апат салдарынан бір көлік тұтастай өртеніп кетті. Жарақат алғандардың бәрі жақын жердегі ауруханаларға жеткізілді. Жол-көлік оқиғасының негізгі себебі әзірге белгісіз. Қазір полиция қызметкерлері тергеу амалдарын жүргізіп жатыр. Аян Әбдуәли. Дерек: РИА «Новости». Фото: flickr.com.