Оңтүстік Қазақстанда мүлікті заңдастыруға 5551 өтініш түсті

ШЫМКЕНТ. 12 мамыр. Оңтүстікте мүлікті заңдастыру барысы жақсы өтіп жатыр. Бұл туралы облыстық қаржы басқармасының басшысы К.Мендебаевтың баяндамасына сілтеме жасаған egemen.kz тілшісі хабарлады. Аталған шара бастау алғалы жалпы облыс бойынша 2016 жылдың 1 мамырына дейін (заңдастыру шарасы 2014 жылдың 1 қыркүйегінен басталған болатын) аудан және қала әкімдіктері жанындағы комиссиялармен құны 51.1 млрд.теңгені құрайтын 5551 өтініштер қабылданып, осы өтініштерден құны 38,9 млрд. теңгені құрайтын 4440 нысан заңдастырылған. Оның 3678-і тұрғын үйлер (құны 26,3 млрд. теңге) болса, 762 нысан (құны 12,6 млрд. теңге) коммерциялық және басқа нысандар болып табылады. Сонымен қатар, Қазақстан Республикасы аумағынан тыс жерлерде орналасқан мүліктер бойынша құны 8 млн.теңгені құрайтын 13 нысан және 8 млрд.теңге ақша заңдастырылған. Сондай-ақ, жиын кезінде мүлікті жария ету Заңына өзгеріс енгізілгеннен сәттен бастап (13.11.2015ж.) заңдастырылған мүліктердің саны артқаны айтылды. Мәселен, 2015 жылдың 1 желтоқсанына 24,5 млрд.теңгеге жылжымайтын мүліктер заңдастырылған болса, тек соңғы бес айдың өзінде 14,4 млрд.теңгенің мүлкі заңдастырылып, өсім 58.8 пайызды құраған. Бақтияр Тайжан. Дерек, фото: egemen.kz