Тұлға • 10 Қыркүйек, 2023
Мемлекеттік академиялық би театрының негізін қалаушы әрі тұрақты жетекшісі, халық әртісі, әйгілі хореограф, профессор Болат Ғазизұлы тірі болғанда 85 жасқа толар еді.
Жансарай • 08 Қыркүйек, 2023
Гүлжан Ізімқызымен алғаш Хиуаз Доспанова атындағы халықаралық әуежайда кездестік. Кездейсоқ деуге болар еді... Бірақ әуежайдағы ығы-жығы жолаушылардың ішінде өзгеше дараланып тұрған Гүлжан апайдың тұлғасын байқамау мүмкін емес еді. Алғаш танысып тұрсақ та, бірден шүйіркелесіп кеттік. Ұшар бағытымыз да бір – Астана екен. Ұзын бойлы, жанары оттай жалындаған, әр қимылы жарасымды, сәнді киінген сапарласым мені өзіне баурап, жан жатырқамайтын кісілік келбетімен тәнті етті.
Пікір • 08 Қыркүйек, 2023
Мемлекет басшысы Қасым-Жомарт Тоқаев «Әділетті Қазақстанның экономикалық бағдары» атты Қазақстан халқына Жолдауында елдің экономикалық құрылымына қатысты реформалардың негізгі басымдықтарына тоқтала келіп, ел тағдыры үшін айрықша маңызы бар бірқатар жобаны жүзеге асыруды алға тартты.
Пікір • 08 Қыркүйек, 2023
Қысқа күнде қырық құбылған ғаламдағы өзгерістерге лайықты жауап тауып, орнықты мемлекет болып қалу үшін не істеген абзал? Мемлекет басшысы Қасым-Жомарт Тоқаевтың таяудағы Жолдауында осы сұраққа бірнеше бағдар бойынша жауап берілген. Ел экономикасы өзін-өзі қамтамасыз ете алатындай жағдайға жету үшін мықты өнеркәсіптік негіз қалыптастыру қажеттігі, ол үшін өңдеу саласын дамытуға басымдық беру қажеттігі ең басты міндет ретінде алға тартылған. Жоғары деңгейде өңделген өнім шығаратын кластер құру қажеттігі міндеттелген.
Пікір • 07 Қыркүйек, 2023
Әділдік болмай, ілгері жылжу жоқ
Биылғы Жолдаудың бұған дейінгі құжаттардан көп ерекшелігі бар. Ең бастысы, құжат уақыттың өзі алдымыздан шығарып отырған көптеген кезек күттірмес мәселені шешу жолдарын қамтығандығымен құнды. Соның ішінде ең алдымен, экономика саласындағы күрделі мәселе қозғалып отыр.
Өнер • 07 Қыркүйек, 2023
Шежірелі тарихымыздың әр парағын ашып, тереңіне үңілсек, халқымыз ғасырлар бойы басын бәйгеге тігіп, азаттық үшін арпалысқанын көреміз. Бостандық сүйгіш қазақтың басынан небір қилы заман өтті. Қысылтаяң кезде мұқалмай бір жеңнен қол, бір жағадан бас шығара білген батыр бабаларымыздың ерлігі санамызда жатталып қалды. Сондай бірегей батырлардың бірі ұлтазаттық көтерілістің бас сардары Амангелді Имановтың туғанына биылғы 3 сәуірде 150 жыл толды.
Тұлға • 07 Қыркүйек, 2023
Энергияның түрі көп. Алайда ақыл-ой қуатына тең келетін бірде-бір күш жоқ. Дәл осы энергетика бойына молынан құйылған адамдарды алабөтен құрметтеймін. Астанаға қоныс аударған ширек ғасырда үш ағамды ерекше жақсы көріп кеттім. Олар – Әкім Тарази, Қойшығара Салғарин және Төлен Әбдік. Парасаттылық пайымынан жаңылмай келе жатқан үш алыпты бір-біріне қатты ұқсатамын. Мүмкін, олар өмір бойы ақыл-ойдың энергетикалық жиілігінде жүргендігінен болар. Бізге сенімді өмір сүруге платформа жасап беретін өмірлік тәжірибесі бай, жиған-тергені мол жандардың шамшырақтай жол көрсетіп тұратыны – зор байлық.
Тарих • 07 Қыркүйек, 2023
Қоянды жәрмеңкесі: күнгейі мен көлеңкесі
Атақты Қоянды жәрмеңкесі 1848-1930 жылдар аралығында Сарыарқа төрінде орналасқан ірі маусымдық сауда орталығы болған. Ол 1848 жылы Қарқаралы станицасынан 52 шақырым қашықтықтағы Талды өзенінің бойында Қоянды деген жерде айырбас сауда орталығы ретінде ашылған. 1848 жылы мамыр айында Ялуторск (Түмен облысындағы Тобыл өзенінің сол жағалауында орналасқан қалашық) көпесі В.Ботов өндіріс тауарларымен сауда жасау мақсатында Қызылжарға мал айдап апара жатқан саудагерлерді Талды бойындағы Қояндының Тоқпақ тауларының етегінде күтіп алады. Сол жерде өз тауарларын қымбат бағамен айырбастап, мал мен одан алынатын өнімдерді Қызылжарға, Ресей қалаларына жеткізіп, пайда табады. Мұндай оңай олжа бірте-бірте басқа да көпестердің назарын аударады. Алғашқыда аумағы 2 шаршы шақырым ғана болса, кейіннен ұзындығы 11 шақырым, ені 5 шақырымдай жерді алып, бүкіл Талды даласы сауда алаңына айналып кетеді.
Пікір • 07 Қыркүйек, 2023
Агроөнеркәсіп өлшемі – өңделген өнім
Түркістан облысы тұрғындарының басым бөлігі, нақты айтқанда, 80 пайызы немесе 1,6 миллионға жуығы ауылда тұрады. Яғни миллионнан астам ауыл тұрғынының экономикалық әлеуеті ауыл шаруашылығымен тікелей байланысты.
Пікір • 07 Қыркүйек, 2023
Экономикалық саясаттың жаңа моделі
Мемлекет басшысының Жолдауы ел дамуының басым бағыттары мен алдағы мақсат-міндеттерді айқындап беруімен маңызды. Бұл жолы Мемлекет басшысы еліміздегі экономикалық саясаттың жаңа моделін қалыптастыруға басымдық берді.
