Аймақтар • 05 Қазан, 2024
Төрт түлікті өрісте өргізген шаруалар қыс пен көктем мезгілінің қабағын бағып, уақыты келген кезде мал азығын молынан жинап алуға ден қояды. Қиындыққа толы талай жылды бастан өткерген шаруалар биылғы ауа райының қарайласқанына шүкіршілік айтып отыр.
Өнер • 03 Қазан, 2024
Ұлы Жібек жолы бойында жатқан көне Тараз қаласы екі жыл бұрын дүниежүзілік қолөнершілер қаласының тізіміне енген болатын. Ықылым заманнан бері сауда-саттықтың ордасына айналған, тарихы тереңде жатқан қаланың мұндай мәртебе алуы – заңдылық. Байырғы дәуірде-ақ қолөнер шеберлерінің таңдаулы туындыларымен талай жұртты тәнті еткен Таразда халықаралық көрме ұйымдастыру кейінгі жылдары дәстүрге айналды.
Тағзым • 01 Қазан, 2024
Қара өлеңді қадір тұтқан жамбылдық жас таланттардың бас қоспағанына да біраз жылдың жүзі болған еді. Өңір басшысы Ербол Қарашөкеевтің бастамасымен сол олқылықтың орны толтырыла бастады. Біраз бұрын ақын Хамит Есаманның шығармашылық кешін өткізуге мұрындық болған облыс әкімі енді Шерхан Мұртаза туған Талапты топырағындағы қаламгердің қара шаңырағында жамбылдық жастардың басын қосты.
Қоғам • 27 Қыркүйек, 2024
Саналы өмірін өнерге арнаған жанкешті жандар өзі таңдаған жолда кездескен барлық қиындықты мойымай көтереді. Соңғы бірнеше жылдың бедерінде «Алатау» фольклорлық ансамблін төрге сүйреп жүрген Дастан Көреген қандай мехнат көрсе де, адалдықтың ақ жолынан айныған емес. Жеті жылдан астам уақыт бойы фольклорлық ансамбльдің отымен кіріп, күлімен шығып жүрген өнер иесіне әріптестерінің құрмет көрсетуі – заңдылық.
Аймақтар • 25 Қыркүйек, 2024
Уақытында меншігіне алып, игеруге икемі келмегендер мыңдаған гектар жерді қаншама жыл уысында ұстап отырды. «Маған да, саған да жоқ» деп ұлан-ғайыр алқапты заңсыз иеленіп келгендердің дәурені өткен секілді. Президент тапсырмасы аясында бірнеше жыл бойы жұмыс істеген комиссия мыңдаған гектар алқапты мемлекет мүддесі үшін кері қайтарып алды. Бұл жұмыс ілкі сәтке де тоқтамақ емес.
Аймақтар • 21 Қыркүйек, 2024
Өңірде тұрғын үй кезегінде тұрған мыңдаған азаматтың мәселесін мүмкіндігінше жеделдетіп шешуге басымдық беріліп отыр. Аймақ басшысы Ербол Қарашөкеевтің айтуынша, облыс бойынша жыл басынан бері 355,8 мың шаршы метр тұрғын үй пайдалануға берілген. Осы жылдың соңына дейін бұл көрсеткішті 750 мың шаршы метрге жеткізу үшін тиісті жұмыс атқарылып жатыр.
Аймақтар • 20 Қыркүйек, 2024
Жамбыл облысының әкімі Ербол Қарашөкеев Франция астанасы Парижде өткен ХVІІ жазғы Паралимпиада ойындарында жүзу спортынан күміс жүлде иеленген Нұрдәулет Жұмағали мен V Дүниежүзілік көшпелілер ойынында топ жарған жамбылдық саңлақтарға құрмет көрсетті.
Университет • 20 Қыркүйек, 2024
Су саласының басты университеті
Кейінгі жылдары жоғары білікті су мамандарының тапшылығы айқын сезілгені анық. Осындайда Әулиеата жеріндегі байырғы гидромелиоративтік-құрылыс институты ойға оралады. Су және ауыл шаруашылығына қажетті инженер-гидротехниктердің дені 1962 жылдан бастап жұмыс істеген Жамбыл гидромелиорациялық-құрылыс институтында тәлім алғаны мәлім.
Өндіріс • 19 Қыркүйек, 2024
Натрий цианидін өндіретін зауыт
Еліміз бойынша натрий цианидін өндіретін алғашқы зауыт Талас ауданының аумағына салынған еді. Өткен жылы «Talas Investment» ЖШС шет мемлекеттерден тасымалданатын шикізатқа деген тәуелділікті түбірімен жойды. Алтын өндірісіне айрықша қажетті бағалы металды басқа қоспалардан ажырату үшін қолданылатын реагент Жамбыл облысында өндіріліп жатқанына да он жылдан асты.
Ән • 19 Қыркүйек, 2024
Мәтіні мен әуені үйлесім тапқан әннің жүрекке жылы тиетіні бар. Кейде әр адам өзінің бозбалалық шағын, балалық кезін аңсайтын, сағынатындай көрінеді. Көңілдің түкпірінде қалып қойған ескірмейтін шығармалар сағымға айналған сол бір мөлдір жылдардың естелігін есіңе салатын секілді. Ішкі жан дүниеңде беймәлім бір аласапыран күй ойнап қоя береді. Жаныңды тыныштандырғың келіп, ретроға айнала бастаған әндерді тыңдайсың...
