Мектеп • 05 Қыркүйек, 2023
Жаңа мектеп ғимараты ауылдың ажарын аша түсері анық. Сыртқы келбеті де, ішкі дүниесі де заманауи үлгідегі нысанның көркін балалардың риясыз күлкісі еселейді. Түлкібас ауданындағы Еңбекші ауылында тозығы жеткен мектептің мәселесі бірнеше жылдан бері шешімін таппай келген болатын. Биыл оқушылар жаңа оқу жылын жаңа мектепте бастауға мүмкіндік алды. «Ауыл – ел бесігі» бағдарламасы аясында салынған мектеп ел игілігіне пайдалануға берілді.
Аймақтар • 30 Тамыз, 2023
Облыс орталығында Конституция күніне арналған «Ата Заңым – айбыным!» атты іс-шара ұйымдастырылды. Облыс әкімі Дархан Сатыбалды өңір тұрғындарын айтулы мерекемен құттықтап, Түркістанның 5 жыл ішінде әлеуметтік-экономикалық дамуына тоқталды.
Аймақтар • 29 Тамыз, 2023
Төрт ай бойы түркістандықтар және киелі қала қонақтары өнер фестивалін тамашалау арқылы өңір өнерпаздарын таныды, рухани азық алды. Ал көркемөнерпаздар ұжымы, суретшілер мен қолөнер шеберлері, жалпы мәдениет саласының мамандарына шығармашылық деңгейін танытып, өзара тәжірибе алмасуға мүмкіндік жасалды. Иә, Түркістан облысының құрылғанына 5 жыл толуына орай ұйымдастырылған «Өнерлі өлке» облыстық өнер фестивалі өз мәресіне жетті.
Медицина • 29 Тамыз, 2023
Түркістан облысы Жетісай ауданында жеке инвестор есебінен заманауи медициналық орталық салынады. «Al-Razi Medikal» ЖШС 3 гектар жерге емхана мен көпбейінді реабилитациялық орталық салуды көздеп отыр. Жоба құны – 7 млрд теңге.
Аймақтар • 28 Тамыз, 2023
Отырарда «Ұлы Жібек жолы бойындағы тоқыма және зергерлік өнер» атты халықаралық қолөнер шеберлерінің жәрмеңкесі өтті. Мәдениет және спорт министрлігі мен «Халықаралық түркі мәдениеті мен мұрасы» қорының қолдауымен, «Отырар» мемлекеттік археологиялық музей-қорығының ұйымдастыруымен өткен жәрмеңкеде Түркия, Өзбекстан, Қырғызстан, Түрікменстан, Әзербайжан мемлекеттері мен еліміздің барлық өңірінен келген 50-ден астам тоқыма және зергерлік өнердің хас шеберінің қолөнер бұйымдары қойылды.
Мектеп • 25 Тамыз, 2023
Түркістан облысындағы кей мектептерде жаңа оқу жылына дайындық енді қыза бастағандай, құрылыста да жанталасқан әрекет. Кейінгі жылдары сыбайлас жемқорлықпен, түрлі қылмыстық оқиғалармен «танымал» болған өңірдің білім саласында, мектептердің құрылысы мен күрделі жөндеуден өткізілуі бекітілген кестеден кешігуі үлкен даулардың тууына түрткі болғалы тұр. Өйткені жаңа оқу жылына дайындық көңіл көншітпейді. Дегенмен облыс әкімдігі ай соңына дейін түзелер азын-аулақ шаруа болмаса, мектептер оқу жылына дайын деп отыр.
Оқиға • 22 Тамыз, 2023
Бір әулеттен 11 адам суға батып кетті
Ауыр жағдай. Бір әулеттің басына түскен қайғылы оқиға кімнің де болсын жүрегін ауыртып, ойландырары анық. Түркістан облысында болған қайғылы оқиға туралы ақпарат дүйсенбі күні түнде жария болды. Отырар ауданындағы Сырдария өзенінің жағасына бір әулеттен тараған 4 отбасы мүшелерінің демалысы қайғымен аяқталды. Демалуға келген 20 адамның 11-і суға батып кеткен. Оның 5-еуі балалар болса, 6-уы ересек адам.
Отбасы • 22 Тамыз, 2023
Отбасы құндылығы – өнеге бастауы
Түркістанда еліміздегі діни тұрақтылықты қамтамасыз ету, халықтың дәстүрлі рухани мәдениетін ілгерілету, дін саласындағы мемлекеттік саясатты кеңінен түсіндіру және ортақ адамгершілік қағидаларын насихаттау мақсатында дөңгелек үстел өтті.
Аймақтар • 16 Тамыз, 2023
Жуырда Түркістанда өткен халықаралық конференцияда мамандар Арал теңізінің тартылуы, түбінің тұздануы оған жақын орналасқан көрші мемлекеттер мен еліміздің бірнеше өңіріне, оның ішінде Түркістан облысындағы бірқатар аудан, елді мекендерге де табиғи кері әсерін тигізіп жатқанын айтып, алаңдаушылық білдірді. Арал ұлтанына өсімдіктер егу және сексеуіл алқабын отырғызу – тұздың ұшпауына тосқауыл болатын жалғыз жол екені де айтылды. Бұл орайда Президент тапсырмасына сәйкес Арал аймағы экологиясын оңалту бағытында 2025 жылға дейін аңқасы кепкен теңіздің 1,1 млн гектар аумағына сексеуіл тұқымы егілуге тиіс.
Ғылым • 11 Тамыз, 2023
Жасыл желекті көркейтуге арналған жиын
Соңғы жылдары елімізде ауа райының өзгеруіне байланысты жылдық жауын-шашын түсім мөлшерінің азаюы, қуаңшылық, судың жетіспеуі және басқа да табиғи факторлар орын алып жатыр. Бұл мәселелерге Мемлекет басшысы мен Үкімет ерекше назар аударып келеді. Осы орайда халықты, экономика салаларын және табиғи нысандарын тұрақты сумен қамтамасыз ету үшін елімізде 2050 жылға дейінгі ғылыми-қолданбалы инновациялық стратегия әзірленді.