Елорда • 01 Желтоқсан, 2023
Астана – іскерлік туризмнің бастауы
Бізге білінбес, бірақ жыл сайын курортты елдердің ірі компаниялары өзара бақталасып, туристерді тарту үшін түрлі қадамға барады. Қомақты қаржы қарастырып, жарнамаға жанын салады. Қоңыржай климаттық белдеуде орналасқан еліміздің табиғаты жағажай туризмін жандандыруға қолайсыз. Қаймығатын дәнеңе жоқ, білгенге туризмнің сан тараулы тармағы бар. Мысалы, шетелдік қонақтар Астанаға іскерлік туризммен келіп, сәті түсіп жатса, іргелес аудандарды аралап, өлкенің бай тарихымен танысуға тырысады.
Денсаулық • 30 Қараша, 2023
Қызылшаға қарсы вакцинаны күні бұрын салдырып, аурудың алдын алуды ойлағандардан бөлек, вакцинадан үзілді-кесілді бас тартып отырған тұрғындар да жоқ емес. Соның салдарынан болар, қарашада қызылшаның тіптен асқынғаны байқалып, жұқпалы ауруға қарсы жаппай иммундау басталды. Дәрігерлер қызылшаны өтпелі ауру санап, бейқам жүруге болмайтынын ескертеді. Өйткені ауру асқынып, беті қайтпаса, салдары ес жидырмауы мүмкін. Кейінгі деректерге сүйенсек, елімізде 17 мыңнан аса адамнан қызылша анықталған. Олардың 82 пайызы балалар болса, осы қатардағының көпшілігі – вакцина алмағандар.
Қоғам • 28 Қараша, 2023
Сарапшылар дамушы елдерде урбанизация үдерісі жоғары болатынын айтады. Қала халқының саны өскен сайын, суға жауапты мекемелерге салмақ түседі. Мұны үйлестіруге келгенде ұзақмерзімді жобалар қажет-ақ. Судың жайына Үкімет, өңір басшыларымен қоса шаруалар да алаңдаулы. Кейбір өңірлер «кеңесіп пішкен тон келте болмас» деп суды аз қажет ететін өнімдерді өсіруге ыңғайлана бастады. Құптарлық іс, су аз келетін мезгілде жоқтан бар жасаймын деп босқа шығындалудың қажеті қанша?!
Жоба • 24 Қараша, 2023
Ұлттық статистика бюросы «Demo day» іс-шарасын өткізіп, цифрлық трансформацияның нәтижелерін таныстырды. Бюро жоспарлаған Цифрлық трансформация портфелі 71 жобадан тұрады. Бұл межелі міндеттің 23-і биыл орындалса, басқа жобалар 2026 жылға дейін толық іске асады екен.
Медицина • 20 Қараша, 2023
Ультрадыбыстық диагностиканы оқытатын орталық
Астана медицина университетінде елдегі алғашқы GE HealthCare Academy оқу орталығы ашылды. Мүмкіндігі мол орталық дәрігерлердің білім-білігін арттыруға, соның есесіне қызмет көрсету сапасын арттыруға септеседі.
Саясат • 20 Қараша, 2023
Экономиканың тұрақты дамуына апарар жол
Астанада Жаһандық инвестициялар жөнінде дөңгелек үстел (Kazakhstan Global Investment Roundtable) өтті. Еліміздегі инвестициялық жобалар жайы қаузалған басқосуға өнеркәсіп басшылары, инвесторлар, қаржы секторының өкілдері, саясаткерлер мен белді сарапшылар шақырылды. Ұлыбритания, Вьетнам, Германия, Канада, Қатар, Қытай, БАӘ, Сауд Арабиясы, АҚШ, Түркия, Франция, Чехия және басқа да бірқатар елден қонақтар келді. Басқосуда әр саланың жетекшілері еліміздің инвестициялық мүмкіндіктерін, логистикалық қызметтердің жаңа спектрін, заманауи тұрақты өндірісті, экспорттық әлеуетті кеңейту жайын, озық технологияларға инвестиция тартуға қатысты мәселелерді талқылады. VI Жаһандық инвестициялар жөніндегі дөңгелек үстелге Қазақстанның Премьер-министрі Әлихан Смайылов та қатысты.
Мәселе • 19 Қараша, 2023
Жасөспірімдерді вейптен қалай арашалаймыз?
Қоғамда «вейп» деп аталып кеткен электронды темекіні сатуға тыйым салу туралы ұсыныс әлі күнге дейін басы ашық күйінде қалып отыр. Қаптамасы көз тартатын, хош иісі бар құралдарға жастармен қоса жасөспірімдер де құмар. Қиыны, электронды темекілердің саудасына қатысты талаптар күшейтілгенімен, мектеп оқушылары вейпті әлі күнге дейін оңай сатып алады.
Медицина • 14 Қараша, 2023
Астанада Денсаулық сақтау министрлігінің қолдауымен «Қазақстанның респираторлық медицинасы: көзқарастармен шешімдердің эволюциясы» атты II Ұлттық респираторлық медицина конгресі өтті. Онда респираторлық медицинаны дамыту келешегі талқыланды.
Медицина • 13 Қараша, 2023
PhD дәрежелі медбикелер даярланады
Келер жылдан бастап еліміздің еңселі медициналық университеттері өз тарихында алғаш рет медбике ғылымы бойынша PhD даярлайды. Бұл жаңашылдық – магистратура деңгейіндегі білімді нығайтуға және «медбике ісі» ғылымы бойынша докторантура бағдарламасын құруға бағытталған AccelEd жобасын іске асыру арқылы жүзеге асады.
Инновация • 13 Қараша, 2023
Жуырда Денсаулық сақтау министрлігі мен «Johnson & Johnson» компаниясы өзара түсіністік пен ынтымақтастық жөнінде меморандумға қол қойды. Бұл туралы «Джонсон & Джонсон» компаниясының Ресейдегі және ТМД елдеріндегі фармацевтикалық бөлімшесі, «Янссен» директоры Катерина Погодина хабарлады.
