Теннис • 09 Қаңтар, 2024
Бүкіл әлем назарындағы үлкен теннис үздіктерінің қатарынан көрініп жүрген отандасымыз Елена Рыбакинаның жұлдызы барған сайын жарқырап келеді. Ол жаңа жылдың алғашқы жарысы – Аустралиядағы Брисбен WTA 500 турнирінде топ жарып, рейтингтегі орнын бір сатыға көтеріп қойды. Осылайша, бүгінде әлемнің үшінші ракеткасы – Еленаның жеңісіне ел қуанып, Президент Қасым-Жомарт Тоқаев құттықтауын жеткізді.
Теннис • 05 Қаңтар, 2024
Қазақстанның бірінші, әлемнің 4-ракеткасы Елена Рыбакина Брисбен (Аустралия) WTA 500 турнирінде ширек финалға шықты.
Табиғат • 31 Желтоқсан, 2023
Ұлттық паркке кірудің жаңа тарифі
Салық кодексінің 591-бабына Мемлекеттік ұлттық парк аумағына көліктерді кіргізгені үшін алым алу мәселесі бойынша толықтыру енгізілген еді. Осыған орай, 2024 жылдың 1 қаңтарынан бастап еліміздегі ерекше қорғалатын табиғи аумақтарға кіруге жаңа төлем мөлшерлемелері бекітілді.
Туризм • 31 Желтоқсан, 2023
Қытайдағы Қазақстан туризмі жылы: саланың дамуына соны серпін береді
Кейінгі жылдары құдайы көрші, стратегиялық әріптес Қытай мемлекетімен достық рәуіштегі қарым-қатынасымыз одан сайын нығайып келеді. Ілтипатымыз зор іргеміздегі елмен ортақ істеріміз қашанда ілкімді, ілгерінді сипатқа ие. Осынау берік байланысымыздың жарқын үлгісіндей болып, табалдырығымыздан еніп келген жаңа 2024 жыл Қытайда Қазақстан туризмі жылы болып төрге озды. Меймандостығымыздың мәртебесін асқақтататын бұл атаулы жыл барыс-келісті арттырып, таныстығымызды тереңдете бермек. Оның үстіне екі ел арасында визасыз режімнің енгізілуі де есігімізден енетін несібемізді еселей түседі.
Саясат • 29 Желтоқсан, 2023
Зейнетақы жүйесіндегі жаңашылдық
Өткен жыл біраз елдің экономикасы мен зейнетақы жүйесі үшін оңай болған жоқ. Көбінде зейнетақы жинақтарының төмен кірісі, баяу өсу қарқыны, кейбір жұмысшылар топтарын зейнетақымен қамту деңгейінің жеткіліксіздігі сияқты мәселелер байқалды. Mercer CFA институтының Жаһандық зейнетақы индексіне сәйкес, 2023 жылы әлемде халықтың қартаюы, инфляцияның сақталуы, мемлекеттік қарыздың өсуі, пайыздық мөлшерлемелер мен геосаяси белгісіздікке байланысты сын-қатерлер зейнетақы жүйелеріне кері әсерін тигізіп тұр.
Қоғам • 28 Желтоқсан, 2023
Өтіп бара жатқан жылдың халыққа қаншалықты жайлы болғанын әлеуметтік көңіл күйге қарап бағамдауға болады. Бұл орайда аузымызды қу шөппен сүртіп, ахуалымызға қынжылыс білдірудің реті жоқ. Салада ауыз толтырып айтарлықтай орасан шаруа тындырылды, көптің көңіліне жаққан көшелі бастамалар баршылық. Жаңадан қабылданып, күшіне енген Әлеуметтік кодекстің өзі біраз күш болды. Енді осы бағыттағы нәтижелерге жалпы тоқталып өткеніміз жөн.
Қоғам • 16 Желтоқсан, 2023
Қай заманда да ата-әжелеріміздің зейнетақысында береке бар. Шамалы зейнетақысының өзін біраз дүниеге жеткізіп, немерелері түгілі, ұл-қыздарын да жарылқап жүретін қариялардың шарапаты ерекше. Әулеттің әлеуетіне, әлеуметтің көңіл күйіне оң әсерін тигізетін осынау зейнетақының жыл өткен сайын өсіп жатқаны қуантады.
Шаруашылық • 13 Желтоқсан, 2023
Аустралияға барған біздің ел делегациясын ірі қара мен қойға арналған екі ірі бордақылау алаңымен таныстырды. Кәсіпкерлер, аграрлық сала мамандары мен шенеуніктерден құралған топты вице-премьер Серік Жұманғарин басқарды.
Туризм • 13 Желтоқсан, 2023
Биыл қаңтардан қыркүйек айына дейін елімізге 834,9 мың шетелдік турист саяхаттаған. Бұл – былтырғы көрсеткішке қарағанда 225 мың адамға көп. Яғни өсім өткен жылдың сәйкес кезеңімен салыстырғанда 37%-ға артқан. Былтыр елімізге 609,8 мың шетелдік келген еді.
Туризм • 21 Қараша, 2023
Биыл Алматыда абаттандыру жұмыстарының аясында 3 кемпинг ашылды. Ақ Бұлақ, ҮАӨ және Мыңжылқы аймақтарында орналасқан бұл кемпингтерде шатырлы орындар, үйшіктер, орындықтар, үстелдер, ұлттық нақыштағы алтыбақандар бар.
