Қоғам • 06 Наурыз, 2025
Жарнамасыз жасалған жақсылық – сауап
Сан ұлтқа сая болған Сыр жеріндегі берекенің бастауы бірлікте жатыр. Бір шаңырақ астында бейбіт тіршілік кешкен көптеген этносқа бүгінгі бейнесі – ынтымақты елдің ырысы артатынының дәлеліндей. Осындай қоғам бірлігіне жұртшылық арасындағы көп жақсылықтың басында жүрген Манзура Абдугафарова секілді жандардың қосқан үлесі аз емес.
Жұмысшы мамандықтар жылы • 06 Наурыз, 2025
«Әлемнің әміршісі – еңбек» деген қанатты қағида бар. Бала кезінде өзі өскен Майдакөлдің тіршілігі қыз-қыз қайнап жататын. Жыл он екі ай жұмысы таусылмайтын ауылда бос жүрген жанды кездестіре қою қиын еді. Шаруаға мығым әкесі жұмысқа кетіп бара жатып бұларға шамасы келетін тірлікті бөліп береді. Ондайда төртінші сыныпқа енді ілінген әпкесі екеуіне тиетіні – малға шөп дайындау. Кейде бала кезі еске түскенде Балғазы Томайдың көз алдына осындай үзік-үзік суреттер келеді.
Жұмысшы мамандықтар жылы • 01 Наурыз, 2025
Қызылорда қалалық әкімдігі мен Мансап орталығы бірлесе ұйымдастырған бос жұмыс орындары жәрмеңкесі жыл басынан бері үшінші мәрте өткізіліп отыр. Бұл жолы жиырмаға жуық жұмыс беруші 200-ден астам жұмыс орындарын ұсынды.
Тарих • 28 Ақпан, 2025
Биыл Қызылорда қаласының ел астанасы атанғанына ғасыр толып отыр. 1925 жылы 15 сәуірде Ақмешіт қаласында Қырғыз (Қазақ) АКСР Кеңестерінің V съезі басталып, оның барысында ұлтымыздың тарихи атауы қайтарылып, Ақмешітті Қызылорда қаласы деп атауға қаулы қабылданды. Уездік қалалық атқару комитеті осы жылдың 30 мамырындағы барлық мемлекеттік мекемелер, кооперативтік және басқа да ұйымдарға мөр, мөртабан, мекеме мандайшаларындағы атауын ай көлемінде «Қызылорда» деп өзгертуді міндеттеген қаулысы дария жағалауындағы қаланы ел байтағына айналдыру шараларын жеделдете түсті.
Мектеп • 26 Ақпан, 2025
Мемлекет басшысы бастамашы болған «Жайлы мектеп» ұлттық жобасы аясында Қызылорда облысында 21 мектеп бой көтереді. Ұлттық жоба шеңберінде салынған 2700 орындық 5 мектеп пайдалануға берілді. Келесі оқу жылына дейін тағы бесеуі есігін айқара ашады. Білім берумен қатар оқушылардың жан-жақты дамуына бар жағдай жасалған осындай білім ошақтарының екеуі облыс орталығынан орын тепкен.
Өндіріс • 21 Ақпан, 2025
Сұраныс үдесінен шыққан кәсіпорын
Шиелі ауданында «Қазақстанның мұнай-газ химиялық компаниясы Кемикал» ЖШС филиалы 20 жылдан аса уақыт бойы газ және су жүйесіне қажетті құбыр шығарып келеді. Кәсіпорын өнімінің ауқымды бөлігін «Қазатомөнеркәсіп» ұлттық компаниясы пайдаланып отыр. Германияның «Крас Маффай» фирмасынан шыққан, автоматты құрылғылармен жабдықталған соңғы үлгідегі технологиялық желіні пайдаланып отырған серіктестік еліміздің әр түкпірінен түскен тапсырыстарды сапалы әрі уақтылы орындайды.
Өшпес даңқ • 21 Ақпан, 2025
Екінші дүниежүзілік соғыс құрбандарының нақты санын әлі ешкім тап басып айта алмайды. Баласының маңдайынан бір иіскеп, толарсақтан қан кешкізген майданға аттанған талайлар жат жердің топырағын жамылды. Қырғыннан қайтпай қалған Жексенғұлы мен Қосшығұлын сағынған Қаракемпірдің жоқтауы перзентін соғыс жалмаған бар ананың зары болып құлақта қалды.
Аймақтар • 20 Ақпан, 2025
Кейінгі 4-5 жылдың бедерінде Сырдария қыстың күндері де орта түсіп, кей жері ойдым-ойдым болып, табаны көрініп жататынына көз үйренген еді. Дегенмен биыл су жылдағыдан тәуір. Көп жылдан бері дария жайыла қатып, өзен арнасын көк мұз шіреп тұр. Қазір су шаруашылығына қатысты мекеме өкілдері көктемгі су тасқынына қарсы қауіпсіздік қамын жасап жатыр.
Аймақтар • 19 Ақпан, 2025
Қызылордада есірткіге қарсы көрме өтті
Жастар арасында салауатты өмір салтын насихаттап, оларды есірткіні қолдану мен таратудан тыятын көрнекі үгітті ұдайы жүргізетін облыстық Полиция департаментінің Есірткі қылмысына қарсы іс-қимыл басқармасы бұл жолы оқу орындары арасында есірткіге қарсы үздік көрме байқауын ұйымдастырды.
Айтыс • 18 Ақпан, 2025
Сырда Қызылорда мен Алматы облысы ақындарының «Адал еңбек – ел ырысы» атты республикалық командалық айтысы өтті. Облыс әкімдігі мен «Amanat» партиясының ұйымдастыруымен «Жұмысшы мамандықтары жылына» орай, еңбек құндылықтарын насихаттаған өнер додасында жұртшылық түре, сүре, қайым және қыз бен жігіт айтысын көріп, жыр, терме, дәстүрлі ән және күй жанрларында сынға түскен өнерпаздарға қол соқты.
