Тағзым • 14 Қараша, 2024
Қызылорда облысының Арал ауданында халқы бастан өткерген тұтас бір ғасырды суреттеп, кейіпкерлері әлем әдебиетіне еркін енген қаламгер, Қазақстанның Еңбек ері, КСРО Мемлекеттік сыйлығының лауреаты, Халық жазушысы Әбдіжәміл Нұрпейісовтің 100 жылдығы аталып өтті. Жазушы атындағы әдебиет үйінің алдында басталған іс-шара шымылдығы балықшы қауымның өмірін бейнелеген қойылыммен ашылды.
Ғылым • 05 Қараша, 2024
Емі табылуы қиын альцгеймер және паркинсон ауруларына қарсы дәрі жасап жатқан мамандар арасында отандық ғалымдар да бар. Солардың бірі – химия ғылымдарының кандидаты, Қорқыт ата атындағы Қызылорда университетінің зерттеуші-профессоры Нұрбол Аппазов. Осыған дейін де күріш сабанынан биотыңайтқыш, целлюлоза алу, жантақтан дәрілік препарат дайындау, мұнаймен ластанған топырақты тазалау жобаларына жетекшілік еткен ғалыммен әңгімелескен едік.
Еңбек • 16 Қазан, 2024
Қызылорда іргесіндегі Бесарық ауылы тұрғындары – инвестордан игілік көріп отырған жұрт. «Абай-Дәулет» ЖШС байырғы мекеннің өсіп-өркендеуіне 20 жылдан бері 1,5 млрд теңге инвестиция құйыпты. Жуырда өндірістік орталық ашылып, оған «Қызылорда» өңірлік инвестициялық орталығы мен «Ауыл аманаты» жобасы бойынша несие алып, кәсіп бастаған ауыл тұрғындары орналасты.
Қоғам • 27 Қыркүйек, 2024
Жошы ұлысының мерейтойына орай ұйымдастырылған «Талас –Ұлытау – Сарайшық» республикалық тарихи-этнографиялық экспедициясы Сыр еліне жетті. Облыс аумағына енген сәттен-ақ ортағасырлық Сығанақ қаласымен, сәл кейін облыстық тарихи-өлкетану музейінде өңір тарихымен танысқан қонақтар Ә.Тәжібаев атындағы облыстық кітапханадағы кездесуде жергілікті тарихшылармен пікір алмасып, ой бөлісті.
Сұхбат • 06 Маусым, 2024
Мемлекет үшін тәртіптен асқан тірек жоқ
Ішкі істер саласын реформалап, «жұртқа жақын полиция» қағидатын қалыптастыруға жасалған қадам біраз бастамаға негіз қалады. Осы жылғы қаңтар айында өткен Ішкі істер министрлігінің кеңейтілген алқа отырысында Мемлекет басшысы қылмыспен күресу және қоғамдық тәртіпті сақтау жауапкершілігі өте үлкен жұмыс екендігін, еліміздің әрбір азаматы өзін қауіпсіз сезінуі үшін құқық қорғау жүйесі үйлесімді әрі тиімді жұмыс істеуі қажеттігін атап өтті. Бұл үшін мемлекетте заң талаптары мүлтіксіз орындалып, «Заң және тәртіп» қағидаты біржола орнығуы керек. Осы бағытта атқарылып жатқан жұмыс барысын Қызылорда облыстық полиция департаментінің басшысы, полиция генерал-майоры Мақсұтхан ӘБІЛӘЗІМОВТЕН білдік.
Аймақтар • 26 Сәуір, 2024
Саланы цифрландырудың алғашқы қадамы
Сырдария ауданында биылғы егілер күріштің алғашқы дәні себілді. Осыған байланысты аудандағы «Мағжан және К» ЖШС-ның Н.Ілиясов аулындағы егіс алқабында «Дала күні» семинар-кеңесі ұйымдастырылып, оған облыс әкімі Нұрлыбек Нәлібаев, Парламент Мәжілісінің депутаттары Мұрат Әбенов, Мархабат Жайымбетов, Мұрат Ергешбаев, Қазақстанның Еңбек ерлері Абзал Ерәлиев, Имамзада Шағыртаев, шаруа қожалықтары өкілдері мен сала ардагерлері қатысты.
Өндіріс • 05 Сәуір, 2024
Қызылордадағы «NP-Consulting» компаниясы шығаратын қорғаныш каскаларын еліміздің әр түкпіріндегі мұнай, құрылыс, байланыс саласындағы кәсіпорындар пайдаланып отыр. Жергілікті кәсіпкер Ғалым Прекешов басқаратын серіктестік кейінгі жылдары 19 литрлік су бөтелкесіне арналған қақпақ өндіруді де қолға алып, өңірдегі жеңіл өнеркәсіп аясын кеңейте түсті.
Тағзым • 04 Сәуір, 2024
Қазақтың талай қабырғалы азаматы туып-өскен Сырдың бойында осы күнге дейін нағыз бағасын алып болмаған қайраткерлер аз емес. Солардың алғашқысы ретінде Лапиндер әулетін айтқан болар едік. Қызылорда қаласына жақын Қоғалыкөл өңірін мекен еткен Лапы баласы Мұңайтпастан тараған 19 ұл-қыздың дені қазаққа қалтқысыз қызмет етті. Ұлт өнері мен мәдениетінде өшпейтін із қалдырды. Кеңтүп болысын басқарып, балаларын шетелде оқытқан, осы өңірде 1903 жылы еуропалық мектеп ашқан Мұңайтпас ішкенге мәз, жегенге тоқ байлардың қатарынан емес еді. Өресі көз алдындағы малының өрісінен ұзай қоймаған кей қатарлары оның сыртынан «Мұңайтпастың иті де орысша үреді», деп күңкілдесетін көрінеді.
Қоғам • 27 Наурыз, 2024
Мемлекеттік қызметтегі маңызды бастама
Мемлекеттік қызмет саласын реформалау – қазіргі күннің басты талабы. Жалпы басқарушылық, құқық қорғаушылық, әлеуметтік-мәдени секілді мемлекеттік міндеттерді атқаратын сала қызметі 2015 жылғы 23 қарашадағы «Қазақстан Республикасының мемлекеттік қызметі туралы» заңмен реттеліп отырады. Салада жүргізіліп жатқан реформаның көздегені – мемлекеттік қызметшінің кәсіби-тұлғалық болмысын жетілдіріп, осы арқылы мемлекеттік басқарудың жаңа мәдениетін қалыптастыру.
Отбасы • 18 Наурыз, 2024
Ұлыстың ұлы күні қарсаңындағы «Шаңырақ күні» облыс орталығы мен әр ауданда аталып өтті. Осы күні жастардың неке қию салтанаты өткізіліп, көпке сыйлы ақсақалдар бата берді. Бас қосқандарына жарты ғасыр болған отбасылар үшін «Алтын шаңырақ», 25 жыл отасқандар арасында «Күміс кереге» байқаулары ұйымдастырылып, жеңімпаздарға бағалы сыйлықтар табысталды. Дүние есігін ашқан сәбилердің анасына «Наурыз-базарлық» естелік сыйлықтары берілді.
