Білім • 29 Наурыз, 2025
Осыдан екі-үш жыл бұрын облыс орталығындағы жаңа мектептердің біріне барғанбыз. Дәліздегі адам нөпірінен әзер жылжып отырып, басшысының кабинетін таптық. Директордың айтуынша, сол жылы мектеп табалдырығын алғаш аттаған балалардан 17 бірінші сынып құралыпты. Басында бұл жаңалыққа қуанғанбыз, кейіннен оның көбі ауылдан қалаға көшкендердің балалары екені еске түскенде, көңіл құлазып сала берді. Есесіне ауыл мектебінде оқитындар қатары жыл санап азайып келеді.
Аймақтар • 22 Наурыз, 2025
«Таза Қазақстан» акциясы облыста жыл бойы жалғасып жатты. Сенбілік сиреген қыстың күндері мектептер мен оқу орындарында экологиялық танымдық сабақтар ұйымдастырылды. Мұғалімдер «Экология – балалар көзімен» атты ашық сабақтар өткізіп, өскелең ұрпақтың қоршаған ортаны қорғау туралы танымын кеңейтті. Шәкірттер айналаны таза ұстаумен қатар, тұрмыстық қалдықтарды қайта өңдеу туралы да керекті мәліметтер алды.
Байқау • 20 Наурыз, 2025
Қорқыт ата атындағы Қызылорда университетінде 1-курс студенттерінің «Фемида – 2025» кәсіби сайысы өтті. «Құқықтану» және «Әкімшілік әділет» білім бағдарламалары бойынша бес команда арасында өткен сайыс елімізде заң мен тәртіп идеологиясын тереңдету бағытына арналып отыр.
Айтыс • 15 Наурыз, 2025
Биыл 24-ақ жыл өмір сүріп, соңына қисапсыз қазына қалдырған Ұлбике Жанкелдіқызының туғанына 200 жыл. Сырдың Тереңөзегінде туып, Жамбыл облысындағы Талас өзенінің бойынан топырақ бұйырғанмен, таңдайында өлеңнің ұясы бар тағдырлы таланттың мұрасы мұқым қазаққа ортақ.
Әйел әлемі • 08 Наурыз, 2025
Шиелі ауданы орталығы мен ауылдарында тұратындардың көпшілігі көлігінің аккумуляторынан ақау байқалып, дөңгелегі сыр берсе бірден Нұржамал Омарованы іздейді. Бұл іс тек ер адамға тән жұмыс еместігін дәлелдеп жүрген кейіпкеріміз күніне он шақты көліктің дөңгелегін жөндеп береді.
Қоғам • 06 Наурыз, 2025
Жарнамасыз жасалған жақсылық – сауап
Сан ұлтқа сая болған Сыр жеріндегі берекенің бастауы бірлікте жатыр. Бір шаңырақ астында бейбіт тіршілік кешкен көптеген этносқа бүгінгі бейнесі – ынтымақты елдің ырысы артатынының дәлеліндей. Осындай қоғам бірлігіне жұртшылық арасындағы көп жақсылықтың басында жүрген Манзура Абдугафарова секілді жандардың қосқан үлесі аз емес.
Жұмысшы мамандықтар жылы • 06 Наурыз, 2025
«Әлемнің әміршісі – еңбек» деген қанатты қағида бар. Бала кезінде өзі өскен Майдакөлдің тіршілігі қыз-қыз қайнап жататын. Жыл он екі ай жұмысы таусылмайтын ауылда бос жүрген жанды кездестіре қою қиын еді. Шаруаға мығым әкесі жұмысқа кетіп бара жатып бұларға шамасы келетін тірлікті бөліп береді. Ондайда төртінші сыныпқа енді ілінген әпкесі екеуіне тиетіні – малға шөп дайындау. Кейде бала кезі еске түскенде Балғазы Томайдың көз алдына осындай үзік-үзік суреттер келеді.
Жұмысшы мамандықтар жылы • 01 Наурыз, 2025
Қызылорда қалалық әкімдігі мен Мансап орталығы бірлесе ұйымдастырған бос жұмыс орындары жәрмеңкесі жыл басынан бері үшінші мәрте өткізіліп отыр. Бұл жолы жиырмаға жуық жұмыс беруші 200-ден астам жұмыс орындарын ұсынды.
Тарих • 28 Ақпан, 2025
Биыл Қызылорда қаласының ел астанасы атанғанына ғасыр толып отыр. 1925 жылы 15 сәуірде Ақмешіт қаласында Қырғыз (Қазақ) АКСР Кеңестерінің V съезі басталып, оның барысында ұлтымыздың тарихи атауы қайтарылып, Ақмешітті Қызылорда қаласы деп атауға қаулы қабылданды. Уездік қалалық атқару комитеті осы жылдың 30 мамырындағы барлық мемлекеттік мекемелер, кооперативтік және басқа да ұйымдарға мөр, мөртабан, мекеме мандайшаларындағы атауын ай көлемінде «Қызылорда» деп өзгертуді міндеттеген қаулысы дария жағалауындағы қаланы ел байтағына айналдыру шараларын жеделдете түсті.
Мектеп • 26 Ақпан, 2025
Мемлекет басшысы бастамашы болған «Жайлы мектеп» ұлттық жобасы аясында Қызылорда облысында 21 мектеп бой көтереді. Ұлттық жоба шеңберінде салынған 2700 орындық 5 мектеп пайдалануға берілді. Келесі оқу жылына дейін тағы бесеуі есігін айқара ашады. Білім берумен қатар оқушылардың жан-жақты дамуына бар жағдай жасалған осындай білім ошақтарының екеуі облыс орталығынан орын тепкен.
