Қоғам • 23 Тамыз, 2023
Нұра ауданының кәсіпкері Гүлзада Маханбетова әлеуметтік осал топқа жататын бес отбасының балаларына мектепке қажетті керек-жарағын әперді. Мұндай шарапатты шаруа ауданда жыл сайынғы «Мектепке жол» акциясы аясында өтіп тұрады. Кәсіпкер бастап берген челленджді басқа да ақжүрек азаматтар әрі қарай жалғауда.
Білім • 23 Тамыз, 2023
Санаулы күннен соң мектеп қоңырауы сыңғыр қағады. Ал Қарағанды облысындағы бес мектепте енді қоңырау соғылмайды. Есігі тарс жабылды. Ауылдағылардың дәрмен қылар дәнеңесі де жоқ. Бала саны аз болғандықтан, биылғы жаз оларға алаң күй кешумен өтті. Дегенмен, бүлдіршіндер жақын маңдағы мектепке барады.
Көрме • 22 Тамыз, 2023
Кеншілер тағдырына арналған көрме
«Қазақстан» шахтасындағы қайғы дүйім елдің қабырғасын қайыстырды. Қарағандыдағы «Алтын ғасыр» галереясында таяуда аталған шахтада қаза болған бес кеншіні еске алуға арналған «Жер астындағы сансыз метр...» деген атаумен көрме ашылды.
Үкімет • 21 Тамыз, 2023
Зардап шеккендерге қажетті көмек көрсетіледі
17 тамыз күні «АрселорМиттал» компаниясына тиесілі «Қазақстан» шахтасында конвейер таспасы өртеніп, оқыс оқиға болды. Сол уақытта жер астында 227 адам болған. Кеніштегі 222 жұмысшы жер бетіне дереу шығарылғанымен, 5 кеншіні құтқарып қалу мүмкін болмады. 5 кеншінің де денесі табылды. Ал өрт әлі басылмады. Мемлекет басшысы Үкіметке және Қарағанды облысының әкімдігіне апат себептеріне жан-жақты тергеу жүргізу, сондай-ақ зардап шеккендерге қажет барлық көмекті көрсету жөнінде шұғыл тапсырма берді.
Аймақтар • 20 Тамыз, 2023
Биыл Қарағанды облысында 165 жаңа автобус жолға шығады. Іргедегі «Саран Qaztehna» зауытынан №5 автопаркке 59 автобус жеткізілді. Бұл жаңалыққа Пришахтинск тұрғындары ерекше қуанды. Бұған дейін осы бағытта қатынайтын №145 және №45 автобустардың дені ескірген еді. Жолаушылар енді «Еуро-5» экологиялық стандарты талаптарына толық сай жаңа маршрутпен қатынайды.
Аймақтар • 18 Тамыз, 2023
Сарыарқаның алтын қақпасы атанған, Арқа мен Жетісудың арасын жалғап жатқан Сарышаған кентіне 70 жыл толды. Ынтымағы жарасқан, ырыс-берекесі тасыған ауыл халқы мерейлі жылды торқалы той өткізіп атап өтті. Бұл тойда елге шарапаты тиетін игілікті іс-шаралар ұйымдастырылды. Атап айтсақ, ауылдың ең биік жотасынан сәні келіскен саябақ ашылды. Ауыл жастарына арналған волейбол мен баскетбол алаңы бой көтерді. Теміржол вокзалындағы жаңадан ашылған мұражайда жолаушылар түрлі жәдігерлермен таныса алады. Мешіт жанындағы діни сауат ашу орталығы мен асхана ауылға жанашыр азаматтардың атсалысуымен салынып отыр.
Төтенше жағдай • 18 Тамыз, 2023
Қарағанды облысындағы Шахтинск қаласының іргесіндегі «АрселорМиттал Теміртау» АҚ Көмір департаментінің «Қазақстан» шахтасында апат болды. 170 метр тереңдікте өрт шыққан. Конвейер таспасы өртеніпті. Зардап шеккен сегіз адам ауруханаға жатқызылды. Құтқарушылар төрт адамды іздестіруде. Бір кеншінің денесі табылды. Шахта ішіндегі қою түтіннің салдарынан іздестіру жұмыстары қиынға соғуда. Оқиға орнына облыс әкімі Ермағанбет Бөлекпаев барды. Өрттің себептері анықталып жатыр.
Жастар • 17 Тамыз, 2023
Цукербергті жолда қалдырар...
Мемлекет басшысы Қасым-Жомарт Тоқаевтың тапсырмасымен жас кәсіпкерлерге жеңілдетілген несие беріліп жатыр. Қарағандылық өрендердің дені алған қаражаттарын сауда-саттыққа, шаруашылыққа, жеңіл өнеркәсіпке, басқа да кәсіптерге бағыттаса, қарқаралылық Әділ Мүси IT саласына қолданып отыр. Дәл қазір күні-түні компьютерінен көз алмай, қызу жұмыс үстінде.
Құтқарушы • 16 Тамыз, 2023
Арман Максимов суға батып бара жатқан баланы құтқарып қалды. Оқиға тамыздың басында металлургтер қаласындағы техникалық каналда болды.
Зерде • 15 Тамыз, 2023
Бұқардың жыры – бұқараға аманат
Бұқар жыраудың 355 жылдығы Арқа жерінде айтарлықтай атап өтілді. «Бұқарекең жырлайды» атты республикалық фестивальге елдің түкпір-түкпірінен жиырмадан астам жыршы-жырау келді. Фестиваль Бұқар бабаның атындағы ауданның Ботақара кентінде басталып, нүктесі кеншілер шаһарында қойылды.
