Тағзым • 07 Қараша, 2023
Биікке өлшем беру үшін билердің сөзіне жүгінетін қазақтың бабаға деген құрметі баланың әкеге деген махаббатындай. Ақ сауытын асынып, бабалар аруағына сүйеніп, ата жауын тықсырған даналарымыздың рухы өр, ойы дария. Ғасыр аунаса да бозжусан бейнесінің бояуы жұқармай, атар таңның қызылсаң сәулесіндей қайта бой көтеріп, болашақтың жүзіне нұрын шашып тұратыны содан-ау, сірә. Ендеше, Жетісу жұртының елі сүйген Ескелді бидің 330 жылдық мерейтойын тойлауының себебі арыда жатқанын осыдан-ақ аңғара беріңіз.
Өндіріс • 07 Қараша, 2023
«Hyundai» «Қорғаста» құрастырылады
Қорғас – Орталық Азияның ең үлкен қақпасы. Оның игілігін елдің экономикалық культіне айналдыруға болады. Мұны Мемлекет басшысы Қасым-Жомарт Тоқаев өз Жолдауында да тәптіштеп түсіндірген еді. Демек ел шекарасында орналасқан арнайы экономикалық аймақтар қызметін жандандыру шарт. Осы мақсатта «Қорғаста» «Hyundai» автокөліктерін құрастыратын зауыт салынады.
Аймақтар • 03 Қараша, 2023
Елу жылдан бері су мәселесімен күресіп келе жатқан Сарыөзектің жайы қыс бастала қалыңдай түседі. Жыл басында су құбырлары жарылып, елдің әбігерге түскені әлі есте. Халық ішінде биыл сол ахуал қайталана ма деген қауіп бар. Орталықтандырылған су жүйесі бар үлкен ауыл аудан орталығы болғанымен, инфрақұрылымы жөнге қойылмаған. Әкімдіктің алысып келе жатқанына ондаған жыл болса да, ауыз су мәселесі ырық берер емес.
Ауыл • 02 Қараша, 2023
Ауыл мектептерінің әлеуетін көтеру үшін Жетісуда түрлі жоба жүзеге асып жатыр. Мәселен, Кербұлақ ауданына қарасты Қоғалы орта мектебі заманауи оқу құралдарымен жабдықталды. Бұл игілікті іске «Ауылдық аймақтардағы тірек мектептердің әлеуетін арттыру» жобасы ұйытқы болған. Енді ауыл оқушылары ғылымның табалдырығын еркін аттайды.
Білім • 02 Қараша, 2023
Жетісуда білім деңгейі неге төмен?
Осы сауалға жауап табу қиын болып тұр. Сала мамандары білікті кадрдың аздығын алға тартса, қарапайым халық ұстаздардың деңгейіне күмәнмен қарайды. Жә, жаңа өңір, жұмыс оңалады дейміз-ау, әйткенмен жемқорлықтың ордасына айналған саланың ел ішінде қадірі кетіп барады. Мәселен, облыстағы мектептердің дені заман талабына сай емес. Тіпті интернетсіз отырған ауылдар да бар.
Аймақтар • 31 Қазан, 2023
Тазалық табалдырықтан басталады
Табиғатты таза ұстау – адамзатқа парыз. Осы қағиданы берік ұстанған жетісулықтар жаппай көшеге шығып «Жаңа Қазақстан. Таза табиғат» аясында экологиялық сенбілік өткізді. Бұл игілікті іс-шарада 2 мың тонна қоқыс шығарылып, 6 500 жас көшет отырғызылды.
Туризм • 30 Қазан, 2023
Тамшыбұлақты тартымды ете аламыз ба?
Қазір «Жетісуда туризмді қалай дамытсақ?» деген сауал кесе-көлденең тұр. Әрине, шырайлы өлкенің қасиетті жерлерінің қараусыз қалғаны көңілге көлеңке ұялатады. Оны әзірге ескеріп жатқан жауапты орын жоқ. Ал сол маңайда тұратын ауыл тұрғындары қадіріне бойлайын десе, қолы қысқа. Қараңыз, Жетісуда 32 туристік нысан бар. Бірақ соның жартысынан көбі босқа тұр.
Аймақтар • 26 Қазан, 2023
Баспаналы болу – бұл да бір үлкен бақыт. Ал сол аңсаған шаңырағыңның кілтін дәл Республика күнінде алу – әсер үстіне әсер үстемелейтіндей. Неге десеңіз, ұлтымыз үшін қастерлі мейрамда құтты қонысқа қол жеткізу көңіліңді одан бетер асқақтата түсері анық. Осы сәтті күні кеше жетісулықтар бастан кешті. Ең ғажабы, бұл игілікті іске тек мемлекет қана емес, атымтай азаматтар да атсалысқан. Шаттыққа толы шараның біз де куәгері болдық.
Ән • 17 Қазан, 2023
Әнде тарих болмаса, оның әсері әлсіз. Музыка миға қонған сәтте адам беймәлім ырғақтың желісіне байланады. Одан оны ажырата алмай қаласыз. Мәселен, әуесқой композитор Оралхан Көшеровтің «Достарға» әні біздің сонау сәби көңіліміздің аспанында әлі қалықтап жүр. Өзіміз сүйіп тыңдаған, жарыса орындаған жасампаз шығарманың шежіресі шырқаған сайын әлдебір сырдың теңізін бойлап бара жатады.
Аймақтар • 15 Қазан, 2023
Облыстың электр және жылу энергиясына деген қажеттілігін «Текелі энергокешені» ЖШС қамтамасыз етеді. Оның белгіленген электр қуаты – 24 МВт, жылу қуаты – 42 Гкал/сағ. Дегенмен аталған станса жабдықтарының 67 пайызы тозған. Мұны өңірге арнайы іссапармен келген Энергетика министрі Алмасадам Сәтқалиев айтты.
