Шахмат • 26 Қазан, 2023
Павлодарда шахматтан «Pavlodar Open» халықаралық турнирі басталды. Бұл жарысқа жуықта Дохада өткен дүниежүзілік бәсекеде әлемнің үздік шахматшыларының бірі Магнус Карлсенді жеңген павлодарлық Әлішер Сүлейменов те қатысып жатыр.
Ауыл • 24 Қазан, 2023
«Біз Қаныш Сәтбаев ауылынанбыз!»
«Бірде республикада шың асқан шәкіртіммен Мәскеудегі төрткіл дүниенің дарынды балалары жиналған білім сынына бардық. Сонда Қазақстандағы Қаныш ауылынан келгенімізді білген ресейлік оқымыстылар бізді көпке дейін жібергілері келмеп еді. Туған үйден 4 мың шақырым жерде жүрсек те, Қаныш ағаның шапағатын сезіндік. Академиктің ауылында туу бір бөлек, ал оған лайықты болудың салмағы зіл батпан екен...».
Аймақтар • 24 Қазан, 2023
Жылу маусымы алдындағы алаң көңіл
Кереку өңірінде кешеден бері ызғарлы жел тұрып, қар ұшқындай бастағаны сол, екібастұздық тұрғындар жаурап жатырмыз деп дабыл қақты. Қаланың №19 шағын ауданындағы көппәтерлі төрт үйде жылу да, ыстық су да жоқ. Жылытқышпен бой жылытқан отбасылар жергілікті әкімдіктің уәдесіне тойып болдық деп отыр.
Кітапхана • 23 Қазан, 2023
Ауыл кітапханаларын жаңғырту қажет
Үлкен шаһарларды қойып, қазір ауылдық жерлердегі кітапханалар да заманға сай өзгеріске ұшырап жатыр. Көпшілік оқырманның бос уақытына орай бейімделіп, кітап оқушылар санын еселей түскен ауыл кітапханашыларының еңбегі бағалауға тұрарлық. Тек кейде қысқа жіп күрмеуге келмей жатады.
Аймақтар • 20 Қазан, 2023
«Достықта» автономды трамвай жүреді
Трамвай көлігі жайында сөз қозғала қалса, Павлодар қаласы алғашқы болып ауызға ілігері анық. Бүгінде шаһар рәмізінің біріне айналып үлгерген рельсті көлік экологиялық жағынан да тиімді. Алдағы уақытта қаланың шеткері шағын аудандарына да автономды трамвайлар жүре бастайды.
Өнер • 19 Қазан, 2023
Жүсіпбек театры – Мәскеу сахнасында
Керекудегі Жүсіпбек Аймауытов атындағы қазақ театры үшін осы жыл ерекше болып тұр. Жаңа маусым басталғалы өнер ұжымы екі республикалық, бір халықаралық фестивальға қатысып, барлығында аты озды. Алдағы күндері актерлер труппасы Ресей астанасында өтетін «Подмосковные вечера» VII халықаралық театрлар фестивалінде өнер көрсетіп, жылды жемісті қорытындыламақ.
Білім • 19 Қазан, 2023
Оқушы тәрбиесіне бәріміз жауаптымыз
Оқу-ағарту министрінің арнайы бұйрығымен былтыр орта білім беру ұйымдарындағы психологиялық қызметтің және баланы жәбірлеудің (буллингтің) профилактикасы қағидалары бекітілгені мәлім. Сөйте тұра мектеп партасында отырған оқушылар арасында әлімжеттік оқиғалары азаяр емес.
Құтқарушы • 19 Қазан, 2023
Олар – аптап ыстықта, саршұнақ аязда да әрдайым сапта. От пен су, желдің өтінде, қауіп пен қатердің бел ортасында жүрсе де олар үшін адам өмірін құтқару – ең жоғары миссия. Жылдамдық, ептілік пен батылдық – құтқарушыға тән қабілет. Біздің елімізде осы бір қиын да, қызықты мамандықты өмірінің мәніне айналдырған адамдар аз емес. Олардың өмірі мен еңбегі талайға үлгі.
Қоғам • 18 Қазан, 2023
Ертіс өзені жағалауына жақын орналасқан көпқабатты ескі үй апатты деп танылып, комиссия шешімімен баспана тұрғындары өзге пәтерлерге көше бастады. Бетон плиталарының арасы ажырап, іргесі сөгілгелі тұрған үй кезіндегі құрылыс-монтаждау жұмыстарындағы қателіктен осындай күйге түскен.
Ғылым • 18 Қазан, 2023
Жылқыны сапаландыруға да ғылым керек
Қазақстандағы жылқы саны кейінгі жылдары еселеп өсіп, 4,2 миллионға жеткен. Алайда жылқы етін экспортқа шығаруды былай қойғанда, жергілікті ірі сауда желілеріне өткізу ауылдағы ағайын үшін үлкен мәселеге айналған. Ал ет өңдейтін кәсіпорындар мен мейрамханалар оны Ресейден тасып отыр. Елдегі жылқы өсірушілердің қазір тығырыққа тіреліп тұрған жайы бар.
