Кітапхана • 31 Қазан, 2023
Биыл Астананың орталықтандырылған кітапханалар жүйесіне қарасты 4 қалалық кітапхана жаңғыртылып, олардың 2-уі Республика күні мен кітапханашылардың кәсіби мерекесінде есігін оқырмандарға қайта айқара ашты.
Абай • 30 Қазан, 2023
Алматыға жолы түскен адамды алдымен шыңы аппақ қар жамылған Алатау мен соның етегіндегі көкжелекке көмілген қаладағы хакім атамыздың есімін иеленген даңғылда орнатылған Абай ескерткіші қарсы алады. Ақын ескерткіші қоладан құйылып, тұғыры қызыл граниттен қаланған, биіктігі – 13, 7 м. Оны ұлттық мүсін өнерінің негізін салушы, Қазақстанның халық суретшісі Хакімжан Наурызбаев жасаған. Мүсінші өз туындысында ақынның өмір белесінен өтіп, ел ағасына айналған салиқалы кезін айшықты бедерлеген. Ескерткіште басында тақия, иығына өңірі ашық желбегей шапан жамылған Абай атамыз сол қолына кітабын қысып ұстаған күйі терең ой үстінде ілгері басып келеді. Тас бейне демесеңіз, құдды ақынның өзін көргендей әсер аласыз.
Сұхбат • 22 Қазан, 2023
Серік Тоқпанов: Медициналық оқу орнында ақылы бөлім болмау керек
Халқымыз бойына сан түрлі өнер тоғысқан адамды «сегіз қырлы, бір сырлы» деп айтады. Дәл осы сөз айшығын бүгінгі кейіпкерімізге қаратып айтуға болады. Ол – талай жанды ажалдан арашалап қалған «қолы жеңіл» хирург, отандық медицина ғылымында өз орны бар айтулы ғалым, асқақ дауысымен атағы жер жарған кәсіби өнерпаздардың өзімен иықтасып тұратын талантты әнші. Ең бастысы, елге адал қызмет еткен ардақты азамат. Біз осы жолы жоғары санатты дәрігер-хирург, медицина ғылымдарының докторы, профессор Серік Тоқпанов ағамыздың жансарайына үңіліп, әңгіме өрбіттік.
Тұлға • 19 Қазан, 2023
Көрнекті ғалым Зейнолла Қабдолов: «Тахауи Ахтанов кім?» деген сұраққа «Үлкен үшеу – «Қаһарлы күндер», «Боран», «Шырағың сөнбесін», деп жауап беріпті. Екінші дүниежүзілік соғыстан кейін әдебиетке келген жазушылардың ішінен алдымен ауызға Тахауи Ахтановтың есімі ілінеді. Ол әдебиет есігін өзінің кейбір қатарластары секілді қағып кірген жоқ, еркін ашып, әп дегеннен өз орнын иеленді.
Сұхбат • 15 Қазан, 2023
Бақыт Сарбалаұлы: Қоғам әдеби сынды қажетсінуі керек
Кейінгі жылдары әдеби сынның дамуы кенжелеп қалған секілді. Өйткені жаңа шығармалар туып жатқанымен, солардың көркемдігі, шынайылығы, жаңалығы туралы тереңнен толғап, әділ бағасын беретін әдеби сын аз жазылады. Шындығын айтқанда, кәсіби сыншылардың өзі саусақпен санарлық қана. Солардың бірі, айтулы сыншы, бірнеше кітаптың авторы Бақыт Сарбалаұлы. Сын сардарымен кездесіп, осы тақырыпта әңгімелестік.
Поэзия • 12 Қазан, 2023
Қоңыр күз келген сайын көңілді мөлдір мұң басады. Жаз бойы көк шалғынға көмкерілген дала ажарынан әр тайғандай қуаң тарта түскен. Жап-жасыл жапырақтарынан айырылған ағаштар дімкәс жандай жүдеу. Күзгі аспанның қабағы да тамақ ішпеген адамдай жиі қатуланып, ара-тұра бүркіп алады. Осындай сүреңсіз көріністерді көріп, адамды көңілсіздік басады. Өмірде қызы ұзатылып, қызығы тарқаған ауыл секілді тым жұтаң өрінеді. Оның үстіне күн қысқарып, түн ұзара бастайды. Кейде сондай ұзақ түннің бір уағында шырт ұйқыңнан оянып кетіп, көз іле алмай бақырайып жатасың. Таң ағарып атып болмайды. Ұйқың қашып кеткеннен кейін неше түрлі ой иектеп алады.
Әдебиет • 08 Қазан, 2023
Бабаларымыз жылқыны «төрт түліктің төресі» деп қана емес, ел қорғаған ердің қанаты деп дәріптеген. Шынында да, «мінсе – көлік, жесе – азық, ішсе – сусын» болған жылқының қасиеті бөлек. Көркем әдебиетімізде «кейіпкерге» айналған жылқылар туралы жазылған шығармалардың да қарасы мол. Сол қатарға белгілі жазушы Кәдірбек Сегізбайұлының «Соңғы шабыс» атты әңгімесін ұялмай қосуға болады. Бұл туынды 1969 жылы жазылса да, қайталап оқығанда кеше ғана өмірге келгендей әсерге бөлейді. Әсіресе қаламгердің көркемдік шеберлігі, шығарманың шынайылығы, кейіпкерлер болмысы – оқырманды жіпсіз байлап, жетелеп әкетеді. Мұнда бір кезде бәйгенің алдын бермеген Месторының мұңлы тағдыры байыпты баяндалған.
Тағзым • 02 Қазан, 2023
«Жігіттің сұлтаны еді Әбдіғапар»
Арқалық қаласының жанындағы Жаңақала ауылы енді ресми түрде 1916 жылғы Торғайдағы ұлт-азаттық көтерілісі қаһармандарының бірі Әбдіғапар Жанбосынұлының есімімен аталады. Осыған орай тұғырлы тұлғаның есімін ұлықтаған мәдени іс-шара өтті.
Әдебиет • 28 Қыркүйек, 2023
Шын мәнінде, қазақ әдебиетіне құбылыс болып келген таланттар өте сирек. Сол сиректің бірі – Оралхан Бөкей. Қабырғалы қаламгердің шығармалары туралы сөз болғанда, бір оқырмандар оның қарапайым еңбек адамдары, олардың жанқиярлық еңбегі туралы жазған «Өз отыңды өшірме» мен Алтай тауындағы омарташылардың қым-қуыт тіршілігі арқылы, ондағы Таған атты жастың маскүнемдік дертке душар болған себебін сезімталдықпен баяндаған «Атау кере» романын жоғары бағаласа, енді біреулері адам жанының қырық қатпарына терең бойлаған психологиялық иірімдерге бай повестері мен әңгімелерін сүйіп оқиды. Келесі бір оқырмандар пафосқа толы екпінмен көркем жазылған публицистикасын жақсы көреді. Қысқасы, жазушының қай-қай шығармасының да шоқтығы биік, кейде ол оқырманды тұңғиық ойға батырса, кейде жылы шуаққа бөлеп, ақ жаңбырдай төпелеген кестелі тілімен желдіртіп отырады.
Сұхбат • 14 Қыркүйек, 2023
– Ассалаумағалейкум, аға! – Уағалейкумассалам!– Қай баласың?– Астанадағы «Egemen Qazaqstan» газетінен хабарласып тұрмын, – деп едім, Пернебай ағаның дауысы жадырап: – Айналайын, сонау бас қаладан қоңырау шалып тұр екенсің, мың алғыс. Мен еліміздегі бас басылымның оқырманы ғана емеспін, тұрақты авторымын. Талай танымдық мақалаларым, эсселерім жарық көрді. Жасым ұлғайса да түгін қалдырмай оқимын, –деп ақтарыла жөнелді.Бала кезімнен жеткіншектерге арнап жазған шығармаларын сүйіп оқыған жазушымен екеуара әңгімеміз осылай басталды. Ауылда тұрып-ақ әдебиетіміздің қазынасын байытып, қаншама баланың санасына көркемсөз сәулесін түсірген сыршыл суреткермен кездесіп, әңгімелессе ғой деп ойлаушы едім. Соның сәті де орайымен келіп, қабырғалы қаламгермен өмір жолы мен шығармашылығы туралы әңгімелестік.
