Соңғы жаңалықтар
Үкімет • 10 Қазан, 2025
Ішкі нарықты қорғайтын шешімдер
Үкіметте вице-премьер – Ұлттық экономика министрі Серік Жұманғариннің төрағалығымен өткен Сыртқы сауда және халықаралық экономикалық ұйымдарға қатысу мәселелері жөніндегі ведомствоаралық комиссияның (ВАК) отырысында ішкі нарықты қорғауға және орнықты экономикалық өсімді қамтамасыз етуге арналған бірнеше шешім қабылданды.
Қоғам • 10 Қазан, 2025
Президент Қасым-Жомарт Тоқаев халыққа арнаған Жолдауында бір палаталы Парламентке көшу бастамасын ұсынып, мұндай реформа сарапшылар мен қоғам арасында жан-жақты талқылануы қажет деген еді. Осы мақсатта Еуразиялық интеграция институтының «Ашық саясат» сараптамалық клубы кезекті отырысын өткізді.
Республика күні • 10 Қазан, 2025
Егемендіктің еңку жолы: Декларация қалай қабылданды?
Публицистика – заман шежіресі. Бұл, бір жағынан, белгілі бір кезеңдегі саяси, әлеуметтік, мәдени және рухани құбылыстарды талдап, халыққа жеткізудің ең пәрменді құралы болса, екінші жағынан, кейінгі ұрпақ үшін өткен дәуірдің ақиқат аңысын паш ететін бұлтартпас тарихи дереккөз. Сарғайған газет тікпелерін парақтай отырып, ескі қоғамның естеліктері арқылы сол замана тынысын тап басып тануға болады.
Үкімет • 10 Қазан, 2025
Шекарадағы кептеліс реттелуге тиіс
Вице-премьер – Ұлттық экономика министрі Серік Жұманғарин мемлекеттік органдар, Шекара қызметі, Сыртқы істер министрлігі, ІІМ Көші-қон қызметі комитеті басшыларының, шекара маңы өңірлері әкімдері орынбасарларының және Мәжіліс депутатының қатысуымен жедел кеңес өткізді. Жиында Ресей Федерациясына кіру кезіндегі өткізу пункттерінде жүк көліктерінің тұрып қалуы және бұл елде көші-қон заңнамасы жаңа нормаларының қолданылуына байланысты жүргізушілердің шағымы талқыланды.
Форум • 10 Қазан, 2025
«Taldau forum» – тұшымды пікірлер алаңы
Астанада Сенат төрағасы Мәулен Әшімбаевтың қатысуымен бірінші «Taldau forum: Analytics driving change» өтті. Іс-шара «Taldau community»-дің бес жылдығына орай ұйымдастырылды. Форум барысында «Why Nations prosper: Lessons for Central Asia» тақырыбына арналған панельдік сессия өтіп, оған Нобель сыйлығының лауреаты, Массачусетс технологиялық институтының профессоры, экономист Дарон Аджемоглу арнайы мейман ретінде қатысты.
Өндіріс • 10 Қазан, 2025
Еуронарықтағы «автоматты қазандықтар»
Жер үйді, моншаны бір батырма арқылы әп-сәтте жылыта салатын автоматты қазандықтар Қарағандыда өндіріледі. Заманауи пеші ішкі нарықты қамтып, тіпті шетелге де экспортталып жатқан «Горняк автоматты қазандықтары» кәсіпорны – өз саласында көшбасшы. Президент Жолдауда: «Өңдеу өнеркәсібінің дамуына жаңа серпін беретін уақыт келді» деген еді. Аталған серіктестік өңір өнеркәсібінің өркендеуіне елеулі үлес қосып отыр.
Қоғам • 10 Қазан, 2025
Жерді тиімді пайдаланудың өзектілігі
Мемлекет басшысы Жолдауда: «Жер – стратегиялық ресурс. Оның бар игілігі елді дамытып, халықтың тұрмысын жақсартуға арналуы керек. Мен игерілмей бос жатқан және заңсыз алынған ауыл шаруашылығы жерлерін кері қайтарып, оны қайта бөлу туралы тапсырма бердім. Жер иесіз қалмауға тиіс, жерді тек қана оның қадірін білетін азаматтарға беру керек» деген еді. Сонымен қатар Президент 2022 жылдан бері жалпы аумағы 13,5 млн гектардан астам жер қайтарылғанын, бірақ соның 6 млн гектарын ғана әкімдер жер игерушілерге бөліп бергенін айтқан. Осыған байланысты жуырда Солтүстік Қазақстан облыстық «Аmаnаt» партиясының филиалы арнайы жиын өткізді.
Шаруашылық • 10 Қазан, 2025
Елімізде тұтас бір сала – ара шаруашылығына қауіп төніп тұр. Қолданыстағы заң бұл саланы ауыл шаруашылығының дербес бағыты ретінде мойындағанмен, Шығыс Қазақстан облысындағы омарташылар жер телімінен айырылып қалуы мүмкін.
Экономика • 10 Қазан, 2025
2 трлн теңгеден астам қаржы құйылды
Бұл – кейінгі үш жылда Павлодар өңіріне тартылған қаражаттың мөлшері. Тек биыл алғашқы 7 айда негізгі капиталға 535,1 млрд теңге салынған. Әсіресе өнеркәсіп, ауыр өндіріс, мұнай-газ, сондай-ақ ферроқорытпа салаларына қаражат көбірек құйылыпты.
Білім • 10 Қазан, 2025
Журналист жұмысының бір артықшылығы бар. Ол кез келген маманның бір күнін бастан кешіп, көзбен көре алады. Сондай мүмкіндікпен мектеп партасына оқушы болып отырып, сабақ оқыдық. Мұндағы мақсатымыз – білім алушының рөліне еніп, информатика пәнінде жасанды интеллект туралы не үйрететінін білу.
Жастар • 10 Қазан, 2025
Мемлекет басшысы биылғы Жолдауында жасанды интеллектінің маңызына айрықша тоқталды. «Біз жаппай цифрландыру және жасанды интеллект технологиясын барынша енгізу арқылы экономиканы жаңғыртуымыз қажет», дей келе Президент стартап жобаларға басымдық беріп, оған ерекше қолдау көрсету қажеттігін атап өтті. Қазір технологиялық стартаптар айтарлықтай серпіліс жасап, нарықтағы өз орнын қалыптастырып жатыр.
Digital • 10 Қазан, 2025
«Unitree Go2 Pro» – болашақтың роботы
Әл-Фараби атындағы Қазақ ұлттық университеті «Jiangsu Huibo Robotics Technology» компаниясымен бірлесіп, оқу орнынан «Цифрлық технологиялар және роботтехника» халықаралық институты мен роботтехника орталығын ашты.
Әлем • 10 Қазан, 2025
Қазақстанның бір топ журналисі мінген ұшақ ару Алматыдан ұзап, 10 миллионнан аса халқы бар Сеул қаласына бет алды. Кореяның ұлттық туризм ұйымы бізге өзін аз уақытта өркениетті ұлт деңгейіне көтере алған, жер-жаһанға технократ, қауіпсіз, заманауи мемлекет ретінде танылған, «Азия жолбарысы» атанған мекенді өз көзімізбен көруге мүмкіндік берді. Осылайша, технология тілімен айтқанда атақты «Kia» мен «Hundai», «LG» мен «Sumsung»-тің еліне табан тіредік. Бейнелеп келтірсек, әуежайдан алыстай бере жасыл барқыт қаптағандай таулы, тұманды түбек таным-көкжиегімізді кеңейтіп, тереңіне тарта түсті. Көңіл алаң, алда – таңсық әлем, бейтаныс бағыт.
Қоғам • 10 Қазан, 2025
Алаштың «Сарыарқа» газетін басқарған қайраткер
Биыл Алаш қозғалысының көрнекті өкілі, көсемсөзші, педагог-ұстаз Имам Әлімбекұлының туғанына 140 жыл толып отыр. Осыған орай Қарқаралы ауданы Бесоба ауылының орта мектебінде Алаш арысына музей бұрышы ашылды.
Зерде • 10 Қазан, 2025
Алтайдан Атырауға, Алатаудан Арқаға дейін көсіліп жатқан, «ұшқан құстың қанаты талатын, шапқан аттың тұяғы тозатын» қазақтың Ұлы даласына қай кезде де көз алартпаған жат жерліктер аз болмаған. XII ғасырдың аяғы мен XIII ғасырдың басындағы Шыңғыс ханның жойқын шабуылы, одан бергі үш ғасырға ұласқан жоңғар қалмақтарының шапқыншылығы, Ресей патшалығының басқыншылық жорықтары қазақ халқының білім-ғылым қуып, қала салып, әлемдік өркениетке қол созуына, тіпті мал мен жан басының өсуіне мүмкіндік бермеген.
Бизнес • 10 Қазан, 2025
«Дамумен» өрісін кеңейткен кәсіпорындар
«Даму» кәсіпкерлікті дамыту қоры» АҚ бұқаралық ақпарат құралдары өкілдеріне баспасөз турын ұйымдастырды. Іс-шара барысында журналистер Қор арқылы несие қаражатын алып кәсібін дөңгелетіп отырған кәсіпкерлік нысандарының жұмысымен танысты.
Білім • 10 Қазан, 2025
Мұны кішкентай жүректен шыққан үлкен игілік деп атауға болатын шығар. Семей қаласында қазақтың екі қаршадай қызы көзі нашар көретін жандарға арналған мобильді қосымша әзірлеп, талайдың жүрегін еріксіз тебірентті.
Алматы • 10 Қазан, 2025
Алматы мәдениетіндегі айшықты жобалар
Алматы – еліміздің рухани бесігі, мәдени астанасы. Миллиондар тоғысқан мегаполисте ұлттық құндылықтар мен заманауи өнер үндесе дамып, көрермен көңілін баураған театрлар мен галереялар, мәдени орталықтардың қатары көбейіп келеді. Қала әкімдігінің осынау маңызды бағытқа басымдық беруі нәтижесінде мегаполисте бірқатар мазмұнды мәдени жобалар қолға алынған.
Аймақтар • 10 Қазан, 2025
51 мың гектар алқап қайтарылды
Мемлекет басшысы Қасым-Жомарт Тоқаевтың тапсырмасына сәйкес, пайдаланылмай жатқан жерлерді мемлекет меншігіне қайтару жөнінде өңірлерде ауқымды шаралар атқарылып жатыр. Біраз уақыт бұрын басталған жұмыс Жамбыл облысында да айтарлықтай нәтиже бере бастады.
Спорт • 10 Қазан, 2025
24 қазанда Қытайдың Уси қаласында таеквондодан әлем чемпионатының жалауы желбірейді. Додада 180 мемлекеттен келген 900-ден аса даян шеберлері күш сынасады. Еліміздің намысын ерлер сайысында Бекзод Қадірқұлов (54 кг), Темірлан Тілеулес (58 кг), Самирхон Абабакиров (63 кг), Дамир Шүленов (68 кг), Бекасыл Ергеш (74 кг), Батырхан Төлеуғали (80 кг), Нұрлан Мырзабаев (87 кг), Бейбарыс Қаблан (87 кг), әйелдер бәсекесінде Айдана Құмартаева (46 кг), Нодира Ахмедова (49 кг), Әзиза Қаражанова (53 кг), Мария Севостьянова (57 кг), Айша Әділбекқызы (82 кг), Нұрай Құсайынова (67 кг), Назым Махмұтова (73 кг), Евгения Каимова (+73 кг) қорғайды.
«Таза Қазақстан» • 10 Қазан, 2025
Алматы облысында «Таза Қазақстан» экологиялық акциясы аясында жиде мен Шренк шыршасының тұқымын жинау апталығы басталды. Шараның негізгі мақсаты – орман қорын толықтыру, табиғи тұқым қорын қалыптастыру, жастардың экологиялық мәдениетін арттыру.
Спорт • 10 Қазан, 2025
Перу астанасы Лимада жастар арасында өткен әлем чемпионатында еліміздің туы астында 18 балуан өнер көрсетті. Солардың арасынан Дина Әбдірова ғана жеңіс тұғырына көтерілді.
Ғалам ғажаптары • 10 Қазан, 2025
Ұлыбританияда өткен дәстүрлі Күзгі көрмеде бір емес, жеті көкөніс әлемдік рекорд орнатып, Гиннестің рекордтар кітабына енді.
Аймақтар • 10 Қазан, 2025
Облыстағы 352 ауылдық елді мекеннің 232-сі ғана орталықтандырылған ауызсуға қосылған. Жүздеген ауылдың халқы кешенді блок-модульдер мен ұңғымалардың суын тұтынып отыр.
Ғалам ғажаптары • 10 Қазан, 2025
Табиғат тамашасы таусылған ба? Әлемнің ең құрғақ аймағы саналатын Чилидегі Атакама шөлінде гүл өсе бастады.
Тұлға • 10 Қазан, 2025
Астана сәулетінде қолтаңбасы қалды...
Елордадағы архитектура мен құрылыс саласының дамуына зор үлес қосқан белгілі сәулетші, дарынды басшы, кең жүректі абзал азамат, Мемлекеттік сыйлықтың лауреаты Баир Фарденұлы Досмағамбетов 71-ден асқан шағында дүниеден озды. Бұл – марқұмның отбасы-әулеті, Астана жұртшылығы, әкімдігі мен мәслихаты үшін ауыр қайғы.
Жазылу • 10 Қазан, 2025
«Қазпошта» осы аптада мерзімді басылымдарға жазылу басталғанын хабарлады. Оқырмандар 2026 жылы 3 мың газет пен журналға жазыла алады. Интернет-ресурстардың дамуына қарамастан, баспасөз басылымдары әлі де қоғамдық пікір мен ұлттық құндылықтарды қалыптастыратын сенімді ақпарат көзі болып қала береді. Жазылым науқаны аясында «Қазпошта» акционерлік қоғамы «Балаларға сыйлық жаса: газет пен журналдарға жазыл» атты әлеуметтік жобаны жүзеге асырмақ. Бұл жоба тұрмыстың қиындығына тап болған балаларды танымдық басылымдармен қамтамасыз етуге бағытталған.
Ғалам ғажаптары • 10 Қазан, 2025
Биылғы химия саласындағы Нобель сыйлығы Жапониядан Сусуму Китагаваға, Аустралиядан Ричард Робсонға және Иордания тумасы, АҚШ ғалымы Омар Ягиге берілді. Олар металды-органикалық каркас (MOF) деп аталатын жаңа материал түрін әзірлегені үшін марапатталды.
Марапат • 10 Қазан, 2025
Әдебиетсүйер қауым көптен күткен жаңалық жария болды. Ұлы даламен тамырлас Мажар елі жазушысы Ласло Краснахоркаи Нобель сыйлығының лауреаты атанды.
Театр • 10 Қазан, 2025
Елорданың мәдени өмірінде айрықша оқиға болды. «Астана Опера» театрында үш күн қатарынан атақты композитор Джузеппе Вердидің әйгілі «Риголетто» операсының премьерасы өтті. Қойылым қала тұрғындары мен қонақтарына ғажайып көңіл күй сыйлады. Бұл туындыны қоюға Мәдениет және ақпарат министрлігі қолдау көрсетті.
