Дуальді оқыту жүйесі
Маман • 08 Сәуір, 2025
Билік пен бизнес білікті маман даярлауда бірікті
Қазақстан тәуелсіздік алған соң көптеген ескі зауыттар жекешеленіп модернизациядан өтті. Қаншама жаңа кәсіпорын пайда болды. Бұрынғы технологияның орнына жаңасы келді. Өндіруші кәсіпорындар шетелден заманауи қондырғылар әкеп орнатты. Осының бәрі кейін сол технологияның тілін білетін мамандарды қажет етті. Бастапқыда кәсіпкерлер шетелден шеберлерді шақыртты. Олар жергілікті мамандарға өндірістік желілердің қыр-сырын үйретті. Осылайша елімізде білікті мамандар шоғыры қалыптаса бастады.
