Оразақ Балабеков
Қоғам • 07 Қараша, 2021
Ғалым – ғылыммен айналысатын, жаңалық ойлап табатын, ақыл-ойы айқын, ерік-жігері, тілек-мақсаты ақиқат пен әділдік жолында болатын ізденімпаз, жаратылысынан білімге құмар жан. Мұндай қасиет иесі үнемі оқу мен іздену, талпыну мен тану, тәжірибе жинау арқылы өмірдің сан қырлы мектебінен өте отырып, ғылым биігін бағындыра алады. Ұлттық ғылым академиясының академигі Оразалы Сәтімбекұлы Балабеков өз саласының нағыз ғалымы еді. Ұстазымыздың ұшқыр ойы мен асқан ақылының, өткір сезім, қуат-қайратының, қайтпас қайсар батылдығының арқасында химия технологиясы мен экология ғылымында Балабеков мектебі қалыптасты.
